Haukar lögðu Eyjamenn

Haukar unnu góðan sigur á ÍBV, 2:1,  í fjórða riðli A-deildar karla í Lengjubikarnum í knattspyrnu í kvöld, en leikið var í Kórnum í Kópavogi. Leikurinn þótti annars daufur og ekki mikill að gæðum.

Það voru helst Haukar sem náðu einhverju spili í leiknum í kvöld, meðan Eyjamenn voru í  „kick and run“ taktíkinni. Fyrsta markið gerði Hilmar Trausti Arnarsson á 23. mínútu fyrir Hauka úr vítaspyrnu, en Andri Ólafsson jafnaði metin fyrir ÍBV á 55. mínútu.

Ómar Sigurðsson kom Haukum yfir á 80. mínútu en þeir léku manni fleiri síðustu níu mínúturnar, því Andri Ólafsson, markaskorari Eyjamanna, fékk sitt annað gula spjald á 81. mínútu.

Haukar eru því efstir í riðlinum með 4 stig, en Eyjamenn eru áfram neðstir án stiga.

• 1 blogg um fréttina

Bloggað um fréttina

• Gísli Foster Hjartarson: Ekki erum við að byrja....