„Eigum ágæta möguleika“

Íslenska landsliðið í knatt­spyrnu hóf und­ir­bún­ing­inn fyr­ir leik­inn mik­il­væga gegn Skot­um í gær en þjóðirn­ar mæt­ast í undan­keppni heims­meist­ara­móts­ins á Hamp­d­en Park í Glasgow á miðviku­dags­kvöldið.

Landsliðshóp­ur­inn kom sam­an í Glasgow síðdeg­is í gær og æfði einu sinni. Eng­in frek­ari for­föll hafa orðið á hópn­um en sem kunn­ugt er helt­ust Brynj­ar Björn Gunn­ars­son, Heiðar Helgu­son og Birk­ir Már Sæv­ars­son úr lest­inni í upp­haf­lega hópn­um sem Ólaf­ur Jó­hann­es­son landsliðsþjálf­ari valdi vegna meiðsla en í þeirra stað komu Ármann Smári Björns­son, Birk­ir Bjarna­son og Davíð Þór Viðars­son inn í hóp­inn.

Ólaf­ur Jó­hann­es­son og aðstoðarmaður hans, Pét­ur Pét­urs­son, sáu Skota tapa 3:0 fyr­ir Hol­lend­ing­um í Amster­dam á laug­ar­dags­kvöldið en þar kort­lögðu þeir skoska liðið. Úrslit­in á Amster­d­an Ar­ena-vell­in­um gerðu það að verk­um að Íslend­ing­ar eru í öðru sæti í riðlin­um á eft­ir Hol­lend­ing­um. Ísland og Skot­land hafa fjög­ur stig en marka­tala ís­lenska liðsins er betri. Hol­lend­ing­ar eru hins veg­ar langefst­ir, hafa 12 stig eða fullt hús stiga.

,,Hol­lend­ing­ar voru miklu betri og úr­slit­in fylli­lega sann­gjörn. Reynd­ar fengu Skot­ar gott færi í byrj­un og lög­legt mark var dæmt af þeim í stöðunni 2:0,“ sagði Ólaf­ur í sam­tali við Morg­un­blaðið í gær.

Eft­ir að hafa séð til skoska liðsins. Hverja tel­ur þú mögu­leika okk­ar í leikn­um á miðviku­dag­inn?

,,Við eig­um ágæta mögu­leika en auðvitað þarf ansi margt að ganga upp hjá okk­ur svo að sig­ur eigi að vinn­ast.

Ég hafði það á til­finn­ing­unni að Skot­arn­ir hefðu enga trú á að þeir fengju eitt­hvað út úr leikn­um á móti Hol­lend­ing­um og innst inni held ég að leik­menn Skota hafi verið með hug­ann við leik­inn á móti okk­ur,“ sagði Ólaf­ur.

Nán­ar er rætt við Ólaf í Morg­un­blaðinu í dag.