Ferguson og McGregor spila aldrei aftur landsleik

Skoska knattspyrnusambandið tilkynnti í dag að þeir félagar hjá Rangars, Barry Ferguson og Allan McGregor, myndu aldrei verða valdir í skoska landsliðið. Þeir eru sem sagt komnir í ævilangt bann.

Þeir félagar voru helst til lengi við drykkju eftir leik Skota við Hollendinga um síðustu helgi og voru settir út úr landsliðshópnum á móti Íslendingum en síðan teknir í sátt aftur og voru á bekknum.

Áhorfendur voru greinilega ekki með neina samúð með þeim og púuðu hraustlega þegar þeir voru kynntir til sögunnar.

Glasgow Rangers hefur einnig sett þá félaga í tveggja vikna bann án þess þeir fái laun og Ferguson verður ekki áfram fyrirliði liðsins.

• 1 blogg um fréttina

Bloggað um fréttina

• Gísli Foster Hjartarson: Gott að á málum er tekið