Dómari fékk blindrastaf í pósti

Espen E. Arntzen stuðnings­maður norska knatt­spyrnuliðsins Rosen­borg frá Þránd­heimi var ekki sátt­ur við dóm­ar­ann Terje Hauge sem dæmdi leik liðsins gegn Odd/​Gren­land s.l. sunnu­dag. Arntzen er eld­heit­ur stuðnings­maður Rosen­borg­ar og fór hann yfir mál­in á vinnustaðnum í byrj­un vik­unn­ar og komst að þeirri niður­stöðu að hann þyrfti að senda Hauge skýr skila­boð um að hann væri ekki að standa sig í dómgæsl­unni.

Það gerði Arntzen og blindr­astaf­ur­inn komst til skila til Hauge í Osló. Í bréfi sem fylgdi gjöf­inni stóð m.a. „Miðað við þá upp­lif­un sem ég og 15.900 aðrir áhorf­end­ur feng­um á Lerk­en­dal þann 19. apríl s.l. þá tel ég að þú haf­ir not fyr­ir þetta tæki. Það er hægt að brjóta staf­inn sam­an og þú kem­ur hon­um auðveld­lega í stutt­bux­urn­ar,“  skrifaði Arntzen í bréf­inu sem fylgdi pakk­an­um.

Hauge hafði gam­an af send­ing­unni og hef­ur hann notað blindr­astaf­inn. "Ég ber virðingu fyr­ir þeim sem þora að koma fram und­ir nafni og gagn­rýna störf dóm­ara," sagði Hauge við norska dag­blaðið Ver­d­ens Gang.

• 1 blogg um frétt­ina

Bloggað um frétt­ina

• Gísli Foster Hjart­ar­son: Hrein og klár snilld