Bikarmeistararnir fara í Garðinn

Bikarmeistarar KR sækja 2. deildarlið Víðis úr Garði heim í 16-liða úrslitum VISA-bikarkeppni karla í knattspyrnu karla en dregið var í hádeginu í höfuðstöðvum KSÍ í Laugardal. Íslandsmeistarar FH fara til Vestmannaeyja og leika við ÍBV og 2. deildarlið Hattar leikur við Breiðablik á útivelli. Þá mætast HK og Reynir Sandgerði á Kópavogsvelli.

Dráttur 16-liða úrslitanna er sem hér segir:

Fram - Grindavík
Breiðablik - Höttur
ÍBV - FH
Fylkir - Fjarðabyggð
Valur - KA
Víðir - KR
HK - Reynir Sandgerði
Keflavík - Þór Ak.

Viðureign HK og Reynis annarsvegar og Víðis og KR hinsvegar fara fram mánudaginn 6. júlí. Aðrir leikir verða háðir daginn áður.

• 2 blogg um fréttina

Bloggað um fréttina

• Stefán Bogi Sveinsson: Fúli dráttur!
• Sigurður Jónsson: Mín lið slá út bikarmeistara og Íslandsmeistara.