Fimm leikir í bikarnum í dag

Sextán liða úrslitin í bikarkeppni karla í knattspyrnu, VISA-bikarnum, eru leikin í dag og á morgun. Fimm leikir eru á dagskránni í dag og hefjast þeir fyrstu klukkan 14.00.

Úrvalsdeildarlið ÍBV og FH mætast á Hásteinsvelli í Vestmannaeyjum klukkan 14.00.

Keflavík tekur á móti 1. deildarliði Þórs á Sparisjóðsvellinum í Keflavík klukkan 14.00.

Breiðablik mætir 2. deildarliði Hattar frá Egilsstöðum á Kópavogsvelli klukkan 15.00.

Úrvalsdeildarlið Fram og Grindavíkur eigast við á Laugardalsvellinum klukkan 19.15.

Fylkir tekur á móti 1. deildarliði Fjarðabyggðar á Fylkisvelli klukkan 20.00.

Hinir þrír leikirnir fara fram á morgun en þá mætast Valur - KA, HK - Reynir S. og Víðir - KR.

• 1 blogg um fréttina

Bloggað um fréttina

• Gísli Foster Hjartarson: Fimleikafélagið í kaffi