Eiður Smári skrifaði undir hjá Mónakó
Setja bókamerki
Eiður Smári Guðjohnsen skrifaði í kvöld undir tveggja ára samning við franska liðið Mónakó. Eiður gekkst undir ítarlega læknisskoðun hjá félaginu í dag og þegar allri pappírsvinnunni lauk á milli Mónakó og Barcelona ritaði Eiður undir samninginn. Arnór Guðjohnsen, faðir Eiðs og umboðsmaður, var ánægður með samninginn þegar mbl.is. náði tali af honum í kvöld.
„Þetta tók sinn tíma enda töluverð pappírsvinna sem þurfti að klára. Við erum mjög ánægðir með samninginn og við fundum að það var mikill áhugi hjá Mónakó að fá Eið í sínar raðir,“ sagði Arnór í samtali við mbl.is í kvöld.
Eiður Smári hefur fengið úthlutað keppnistreyju með númerinu 9 og hann leikur sinn fyrsta leik með Mónakó þann 12. september þegar liðið fær París SG í heimsókn.
Viðtal við Eið Smára á vef Mónakó.
Isavia neitar að tjá sig um bænahald í kaffiaðstöðu
„Breyttist óvænt í mjög spennandi ferð“
Helsingjafaraldur ógnar afkomu bænda
Veit ekki til þess að fleiri konur hafi stigið fram
„Stríðsaðgerð“ sem verði svarað af fullum þunga
„Efast um að það gjósi í sumar“
Byggingargallar alvarlegt vandamál
Riftir samningi við þrjú stór sveitarfélög
