Selfyssingar komnir í úrvalsdeildina

Sel­fyss­ing­ar tryggðu sér í kvöld sæti í úr­vals­deild­inni í knatt­spyrnu fyrsta skipti þegar þeir unnu Aft­ur­eld­ingu, 6:1, á heima­velli sín­um að viðstöddu miklu fjöl­menni. Þór vann Fjarðabyggð, 1:0, ÍR vann KA, 2:0, og Vík­ing­ur R. tapaði heima fyr­ir ÍA, 0:2.

Hjört­ur Hjart­ar­son skoraði þrennu fyr­ir Sel­fyss­inga í kvöld, Sæv­ar Þór Gísla­son gerði tvö mörk og Aril­íus Marteins­son eitt, eft­ir að Axel Ingi Magnús­son hafði skorað fyrsta mark leiks­ins fyr­ir Aft­ur­eld­ingu. Úrslit­in þýða að Aft­ur­eld­ing er fall­in í 2. deild, ásamt Vík­ingi frá Ólafs­vík.

Staðan í 1. deild.

Veik von KA um úr­vals­deild­ar­sæti er end­an­lega úr sög­unni eft­ir tapið gegn ÍR og Fjarðabyggð er nán­ast úr leik eft­ir ósig­ur­inn gegn Þór. Þá er aðeins eft­ir að út­kljá hvort Hauk­ar eða HK fylgja Sel­fyss­ing­um upp. Þegar tveim­ur um­ferðum er ólokið eru Hauk­arn­ir þrem­ur stig­um á und­an HK og standa því vel að vígi.

Fylgst var með leikj­um kvölds­ins hér á mbl.is og þeir gengu svona fyr­ir sig:

18.30 Sel­foss - Aft­ur­eld­ing 6:1
22. Aft­ur­eld­ing nær verðskuldað for­ystu þegar Axel Ingi Magnús­son skor­ar, 0:1.
31. Sel­foss jafn­ar þegar Hjört­ur J. Hjart­ar­son vinn­ur bolt­ann af varn­ar­manni Mos­fell­inga og send­ir hann í mark þeirra, 1:1.
33. Sæv­ar Þór Gísla­son slepp­ur inn­fyr­ir vörn Aft­ur­eld­ing­ar og skor­ar lag­lega úr þröngu færi, 2:1.
49. Hjört­ur  H. Hjart­ar­son skor­ar sitt annað mark með skalla up­p­úr horn­spyrnu, og skalla Gunn­laugs Jóns­son­ar innað marki Aft­ur­eld­ing­ar, 3:1.
62. Það er allt að fara úr bönd­un­um af gleði á Sel­fossvelli. Hjört­ur er bú­inn að full­komna þrenn­una eft­ir send­ingu Sæv­ars, 4:1.
71. Sæv­ar skor­ar sitt annað mark og er síðan skipt af velli við gíf­ur­legt lófa­klapp. Hjört­ur er líka far­inn af velli en Sel­fyss­ing­ar sækja áfram og áhorf­end­ur í brekk­unni eru held­ur bet­ur farn­ir að halda uppá úr­vals­deild­ar­sætið, 5:1.
87. Sjötta mark Sel­fyss­inga komið og ljóst að Aft­ur­eld­ing er fall­in í 2. deild. Aril­íus Marteins­son skoraði, 6:1.

18.30 Vík­ing­ur R. - ÍA 0:2
7. Jakob Spangs­berg fram­herji Vík­ings slasaðist og var flutt­ur á brott með sjúkra­bíl.
45. Ekk­ert mark var skorað í fyrri hálfleik.
59. Ragn­ar Leós­son kem­ur Skaga­mönn­um yfir, 0:1.
78. Ragn­ar skor­ar aft­ur fyr­ir ÍA og Skag­inn stefn­ir í góðan sig­ur, 0:2.

18.30 Þór - Fjarðabyggð 1:0
23. Jó­hann Helgi Hann­es­son kem­ur Þór yfir eft­ir send­ingu Hreins Hrings­son­ar. Lík­lega rangstaða en markið stend­ur, 1:0.
38. Fann­ar Árna­son hjá Fjarðabyggð fær rauða spjaldið fyr­ir að hrinda mót­herja.

18.30 ÍR - KA 2:0
45. Ekk­ert mark í fyrri hálfleik í Mjódd­inni og allt í járn­um.
66. Kristján Ari Hall­dórs­son brýt­ur ís­inn og kem­ur ÍR yfir, 1:0.
84. ÍR-sig­ur í upp­sigl­ingu eft­ir að Eyþór Guðna­son skor­ar, 2:0.

• 7 blogg um frétt­ina

Bloggað um frétt­ina

• Eyþór Lax­dal Arn­alds: Sögu­leg­ur dag­ur fyr­ir Sel­foss
• Hall­dór Jó­hanns­son: Ósátt­ur..
• Gísli Foster Hjart­ar­son: Til ham­ingju Sel­fyss­ing­ar
• Jó­hann Páll Sím­on­ar­son: Til ham­ingju all­ir íbú­ar á Sel­fossi.
• Ægir Óskar Hall­gríms­son: Til ham­ingju Sel­foss.
• Sig­urður Þor­steins­son: Nýtt lið í úr­vals­deild­inni
• Suður­land FM 96.3: Sel­foss - Aft­ur­eld­ing í beinni á 963.is!