Öruggur íslenskur sigur

Íslenska landsliðið í knatt­spyrnu karla vann sinn fyrsta sig­ur í sjö mánuði þegar það vann Georgíu ör­ugg­lega, 3:1, í vináttu­lands­leik á Laug­ar­dals­velli í kvöld. Staðan í hálfleik var 2:1. Garðar Jó­hanns­son kom ís­lenska liðinu yfir á 14. mín­útu og fjór­um mín­út­um síðar bætti Ólaf­ur Ingi Skúla­son við öðru marki. Veig­ar Páll Gunn­ars­son skoraði þriðja markið úr víta­spyrnu á 55. mín­útu.

Leik­ur ís­lenska liðsins datt tals­vert niður síðustu 20 mín­út­ur fyrri hálfleiks. Þá komst slakt georgískt landslið inn í leik­inn og tókst að minnka mun­inn í 2:1, eft­ir rúm­lega hálf­tíma leik.

Íslenska liðið lagaðist aft­ur í síðari hálfleik og réði það lög­um og lof­um á leik­vell­in­um allt til leiks­loka.

 Fylgst var með gangi mála hér á mbl.is.

Byrj­un­arlið Íslands: Gunn­leif­ur Gunn­leifs­son - Bjarni Ólaf­ur Ei­ríks­son, Ólaf­ur Ingi Skúla­son, Kristján Örn Sig­urðsson, Indriði Sig­urðsson, Grét­ar Rafn Steins­son (F), Helgi Val­ur Daní­els­son, Stefán Gísla­son, Garðar Jó­hanns­son, Veig­ar Páll Gunn­ars­son, Emil Hall­freðsson.
Vara­menn: Hann­es Þór Hall­dórs­son (M), Bald­ur Sig­urðsson, Davíð Þór Viðars­son, Björgólf­ur Takefusa, Birk­ir Már Sæv­ars­son, Pálmi Rafn Pálma­son, Atli Viðar Björns­son.

Veig­ar Páll Gunn­ars­son sæk­ir að marki Georgíu í leikn­um í kvöld. Lev­an Tsikitis­hvili er til varn­ar. mbl.is/Ó​mar

Íslend­ing­ar fagna Ólafi Inga Skúla­syni eft­ir að hann kom liðinu í 2:0. mbl.is/Ó​mar

*	3:1	Georgía	Opna lýs­ingu Loka
90. mín. Leik lokið
Garðar Jóhannsson (14. mín.) Ólafur Ingi Skúlason (18. mín.) Veigar Páll Gunnarsson (55. mín.) Mörk Vladimir Dvalishvili (33. mín.) Veigar Páll Gunnarsson (57. mín.) Spjöld Ucha Lobjanidze (57. mín.) mín. 90 Leik lokið 90 Kristján Örn Sigurðsson (*) á skot í stöng - eftir hafa tekið frákast þegar skot Davíðs Þórs var varið. 90 Davíð Þór Viðarsson (*) á skot sem er varið 88 Georgía fær hornspyrnu 85 Baldur Sigurðsson (*) kemur inn á 85 Ólafur Ingi Skúlason (*) fer af velli 85 Davíð Þór Viðarsson (*) kemur inn á 85 Stefán Gíslason (*) fer af velli 85 Björgólfur Takefusa (*) kemur inn á 85 Emil Hallfreðsson (*) fer af velli 84 Ólafur Ingi Skúlason (*) á skalla sem fer framhjá 82 Vladimir Dvalishvili (Georgía) á skot sem er varið 77 Helgi Valur Daníelsson (*) á skalla sem fer framhjá 77 * fær hornspyrnu 75 Atli Viðar Björnsson (*) kemur inn á 75 Garðar Jóhannsson (*) fer af velli 73 Ucha Lobjanidze (Georgía) kemur inn á 73 Zurab Mamaladze (Georgía) fer af velli 72 Ólafur Ingi Skúlason (*) á skot sem er varið - af stuttu færi. 70 Pálmi Rafn Pálmason (*) á skot sem er varið 70 Ólafur Ingi er kominn inn á leikvöllinn á nýjan leik. 69 Ólafur Ingi fær þungt högg á höfuðið og fer af leikvelli til aðhlynningar. 68 Georgía fær hornspyrnu 67 Levan Khmaladze (Georgía) kemur inn á 67 Levan Tsikitishvili (Georgía) fer af velli 66 brotið á markverði Georgíu upp úr hornspyrnu Íslands. 66 * fær hornspyrnu 66 Stefán Gíslason (*) á skot framhjá 63 Garðar Jóhannsson (*) á skot framhjá af stuttu færi mokaði hann knettinum yfir markið, eftir sendingu frá Emil, en svo virtist sem um markskot væri að ræða hjá Emil og ekki útilokað að knötturinn væri á leið í markið þegar Garðar blandaði sér í málið. 58 Georgía fær hornspyrnu 57 Ucha Lobjanidze (Georgía) fær gult spjald - fyrir að fara með hendurnar í andlit Veigars Páls. 57 Veigar Páll Gunnarsson (*) fær gult spjald - fyrir brot. 55 MARK! Veigar Páll Gunnarsson (*) skorar úr víti 54 * fær víti - Stefán skallar knöttinn eftir hornspyrnu í hönd Devdariani. 54 * fær hornspyrnu 51 Veigar Páll Gunnarsson (*) á skot sem er varið 49 Emil Hallfreðsson (*) á skot sem er varið 47 * fær hornspyrnu 46 Við skiptingu í hálfleik fór Birkir Már í vinstri bakvörðinn, Helgi Valur í hægri bakvörðin og Pálmi Rafn inn á miðjuna í stað Helga Vals. 46 Garðar Jóhannsson (*) á skot sem er varið 46 Pálmi Rafn Pálmason (*) kemur inn á 46 Bjarni Ólafur Eiríksson (*) fer af velli 46 Leikur hafinn 45 Hálfleikur 40 Mjög hefur dregið af íslenska liðinu síðustu mínútur eftir að fyrstu 25 mínútur leiksins höfðu verið góðar. 35 Kristján Örn tók við fyrirliðabandinu þegar Grétar Rafn varð að yfirgefa leikvölllinn vegna meiðsla. 35 Birkir Már Sævarsson (*) kemur inn á 35 Grétar Rafn Steinsson (*) fer af velli 34 Eftir markið hefur nokkurt kapp hlaupið í leikmenn Georgíu og íslenska vörnin hefur lent í vandræðum. 33 MARK! Vladimir Dvalishvili (Georgía) skorar af stuttu færi á markteig eftir sendingu frá Giorgi Popkhazde. Kristján Örn brást illa á markteig þegar hann hitti ekki boltann sem barst til Dvalishvili. 30 - það er fátt um fína drætti hjá landsliði Georgíu sem virðist vera afar slakt. 29 Giorgi Seturidze (Georgía) á skot framhjá - víðsfjarri markinu, engin hætta. 25 Ólafur Ingi Skúlason (*) á skalla sem fer framhjá - af stuttu færi. 24 Nicholas Gelashvili (Georgía) á skot framhjá 19 -Rangstaða á Georgíu. 18 MARK! Ólafur Ingi Skúlason (*) skorar með skoti hægra megin í vítateignum eftir frábæra sendingu frá Veigari Páli. 16 * fær hornspyrnu 15 Stefán Gíslason (*) á skot sem er varið í horn. 15 Gunnleifur Gunnleifsson (*) varði 14 MARK! Garðar Jóhannsson (*) skorar - með skalla af miðjum vítateig eftir glæsilega sendingu frá Grétari Rafni af hægri kanti. 13 Garðar Jóhannsson (*) á skot framhjá 9 Garðar Jóhannsson var nærri því sloppinn inn fyrir vörn Georgíu en markvörður þeirra var á undan út í boltann. 8 Grétar Rafn á misheppnaða sendingu fyrir markið frá hægri. 5 Leikurinn fer rólega af stað. Boltinn gengur óskipulega liðanna á milli. 2 Bjarni er kominn inn á leikvöllinn á nýjan leik. 1 Bjarni er staðinn upp og leikurinn er hafinn á nýjan leik. Bjarni er þó enn utan vallar. 1 Bjarni Ólafur fékk höfuðhögg og liggur óvígur eftir á leikvellinum. Verið er að huga að meiðslum hans. 1 Leikur hafinn -Georgíumenn byrja með boltann. 0 Leikmenn hafa gengið út á leikvöllinn. Þjóðsöngvar verða brátt leiknir. 0 Af 11 leikmönnum í byrjunarliði Georgíu leika fjórir utan heimalandsins, tveir í Danmörku, einn í Ísrael og einn í Aserbaísjan. 0 Tveir af byrjunarliðsmönnum Georgíu er án félags, þar af fyrirliðinn Levan Tskitishvili. Hann er leikreyndasti leikmaður liðsins, á að baki 57 landsleiki. 0 Mikil breyting hefur orðið byrjunarliði Georgíu frá leik þess við Ítalíu í undankeppni HM á síðasta laugardag. Aðeins tveir leikmenn þá voru í byrjunarliði er ætlað að hefja leik á Laugardalsvelli á eftir. Þetta eru Luka Razmadze (8) og Vladimir Dvalishvili (11). Tveir til viðbótar sem voru í byrjunarliði Georgíu í fyrrgreindum leik á síðasta laugardag er á meðal þriggja varamanna. 0 Leikmannahópur Georgíu sem mættur er á Laugardalsvöll er óvenju fámennur. Aðeins eru þrír varamenn auk þeirra 11 leikmanna sem ætlað er að hefja leikinn. 0 Ísland er í 42. sæti og Georgía í 43. sæti af Evrópuþjóðum á heimslista FIFA. 0 Þetta er í fyrsta skipti sem Ísland og Georgía mætast í A-landsleik í knattspyrnu. Sjá meira Sjá allt *: (M), . Varamenn: (M), . Georgía: (M), . Varamenn: (M), . Skot: * 18 (12) - Georgía 4 (2) Horn: * 5 - Georgía 3. Lýsandi: Völlur: Laugardalsvöllur Áhorfendafjöldi: 4.726 Leikur hefst 9. sept. 2009 19:30 Aðstæður: SV gola, alskýjað, þurrt, hiti 11 stig. Völlurinn ágætur. Dómari: Matteo Treffoloni (Ítalíu) Aðstoðardómarar: Luca Maggiani og Simone Pirondini (Ítalíu)

• 1 blogg um frétt­ina

Bloggað um frétt­ina

• Sig­urður Þor­steins­son: Næsti klassi fyr­ir neðan.