Ejub ráðinn þjálfari Víkings Ólafsvík
Setja bókamerki
Ejub Purisevic hefur verið ráðinn þjálfari karlaliðs Víkings Ólafsvík til næstu tveggja ára. Hann ætti að vera öllum hnútum kunnugur hjá Ólafsvíkurliðinu en hann hefur þjálfað það í samtals sex ár.
Ejub tók við þjálfun Víkings fyrir tímabilið 2003 og undir hans stjórn komst liðið upp úr 3. deildinni og ári síðan vann liðið sér sæti í 1. deildinni undir hans stjórn. Ejub stýrði Víkingsliðinu í fjögur ár í 1. deildinni en hætti í fyrrahaust og var Kristinn Guðbrandsson ráðinn í hans stað.
Kristinn var leystur frá störfum í byrjun júlí og tók Ejub tímabundið við þjálfun liðsins og stýrði því í þremur leikjum. Darko Kavcic frá Slóveníu tók síðan við og þjálfaði Ólafsvíkinga út tímabilið.
Víkingur Ólafsvík féll úr 1. deildinni á nýafstaðinni leiktíð en liðið hafnaði í neðsta sæti með 13 stig í 22 leikjum.
„Allt í rusli“ við brúargerð á Vestfjörðum
Glíma enn við eftirköst E.coli-smits í Efstadal
Skoða hvort Hvalur 8 og 9 geti hitað upp Suðurnes
Hagsmunir íbúa að leiðarljósi
Traust til kvenleiðtoga fer minnkandi
Önnur aurskriða við Eyrarhlíð
Deilan enn í hnút eftir tveggja vikna verkföll
