Athlægi aldarinnar

Öll spjót standa nú á Manu­el Pell­egrini þjálf­ara spænska knatt­spyrnuliðsins Real Madrid eft­ir háðug­legt tap liðsins gegn 3. deild­arliðinu Alcorcon í fyrri viður­eign liðanna í 32-liða úr­slit­um spænsku bik­ar­keppn­inn­ar í gær­kvöld. Smáliðið, sem er í útjaðri Madri­dar­borg­ar og er 38 ára gam­alt, gerði sér lítið fyr­ir og burstaði stórliðið, 4:0, að viðstödd­um 3.000 áhorf­end­um en staðan eft­ir fyrri hálfleik­inn var, 3:0.

Þó svo að tveir af dýr­ustu knatt­spyrnu­mönn­um heims, Cristiano Ronaldo og Kaká, hafi ekki verið með þá var Madri­darliðið stjörn­um prýtt í leikn­um.

Leik­menn eins og gulldreng­ur­inn Raúl, Karim Benzema, Al­varo Arbeloa, Raul Al­bi­ol, Rafa­el Van Der Va­art, Guti og Ruud van Ni­stel­rooy, sem kom inná sem varamaður, tóku þátt í leikn­um.

Úrslit­in þykja þau verstu í sögu Real Madrid og eins og gef­ur að skila er mik­ill titr­ing­ur í her­búðum liðsins enda hef­ur það aðeins náð að vinna einn af síðustu fimm leikj­um sín­um.

Spænsk­ir fjöl­miðlar segja að Pell­egrini, sem tók við þjálf­un Real Madrid í sum­ar, sé orðinn mjög valt­ur í sessi og nái liðið ekki að vinna tvo næstu leiki sína sem er gegn Getefe og AC Mil­an telja þeir að dag­ar Pell­egrini verði tald­ir.

,,At­hlægi ald­ar­inn­ar" er fyr­ir­sögn­in í spænska blaðinu AS og í Marca seg­ir að Pell­egrini geti ekki haldið áfram 10 sek­únd­ur leng­ur.

Bað stuðnings­menn­ina af­sök­un­ar

Jor­ge Valdano stjórn­ar­formaður Real Madrid sendi í dag út af­sök­un­ar­beiðni til stuðnings­manna fé­lags­ins. „Ég veit hvernig stuðnings­mönn­um Real Madrid og ég bið þá af­sök­un­ar. Við verðum að draga lær­dóm af þess­ari niður­læg­ingu og sýna styrk okk­ar. Ég er sann­færður um að okk­ar frá­bæru at­vinnu­menn viti hvernig þeir eigi að bregðast við svona mót­læti,“ sagði Valdano við spænska blaðið Marca.

„Ég skamm­ast mín að sjálf­sögðu fyr­ir þessi úr­slit. Ég á erfitt með að út­skýra þessa upp­gjöf hjá mín­um mönn­um. En við verðum að horfa fram á veg­inn og hver og einn ein­asti verður að taka ábyrgð því við verðum að taka okk­ur sam­an í and­lit­inu fyr­ir næsta leik. Ég er ekk­ert að hugsa um starf mitt eða upp­sögn. Ég er bara að hugsa um næsta leik en ég vona að stuðnings­menn okk­ar fyr­ir­gefi okk­ur,“ sagði Pell­egrini.

Real Madrid eyddi hvorki meira né minna en jafn­v­irði 47 millj­örðum ís­lenskra króna í leik­manna­kaup í sum­ar og fé­lagið réð Chi­le­bú­ann Manu­el Pell­egrini í þjálf­ara­starfið en hann kom til liðsins frá Villareal.

Real Madrid er í öðru sæti í spænsku 1. deild­inni, þrem­ur stig­um á eft­ir erkifjend­um sín­um í Barcelona þegar átta um­ferðum er lokið.

Rafa­el van der Va­art leikmaður Real Madrid var ekki sátt­ur í leiks­lok. Reu­ters

• 1 blogg um frétt­ina

Bloggað um frétt­ina

• Gísli Foster Hjart­ar­son: Frá­bært!!!