Ólína sá rautt en Örebro náði jafntefli

Ólína G. Viðarsdóttir fékk að líta sitt annað gula spjald og þar með rautt eftir aðeins hálftíma leik þegar lið hennar Örebro sótti Malmö heim í sænsku úrvalsdeildinni í knattspyrnu í dag. Tíu leikmenn Örebro náðu engu að síður að krækja í stig með 1:1 jafntefli.

Edda Garðarsdóttir lék allan leikinn á miðjunni hjá Örebro en Dóra Stefánsdóttir var ekki með Malmö því hún er að jafna sig eftir aðgerð.

Jafnteflið þýðir að Örebro er áfram í 5. sæti deildarinnar en Guðbjörg Gunnarsdóttir og stöllur hennar í Djurgården eru stigi á eftir með 1:0 sigri á Kopparbergs/Gautaborg í dag, nú þegar aðeins ein umferð er eftir. Guðrún Sóley Gunnarsdóttir gat ekki leikið með Djurgården vegna meiðsla.

Sigur Djurgården færði Linköping meistaratitilinn en liðið er fjórum stigum á undan Umeå og Kopparbergs/Gautaborg.

• 1 blogg um fréttina

Bloggað um fréttina

• Snorri Bergz: Í Nautsmerkinu