Messi fær tæplega 6 milljarða kr. á ári

Lionel Messi er tekjuhæsti fótboltamaður heims en Barcelonaleikmaðurinn veltir David Beckham úr efsta sætinu. Argentínumaðurinn Messi, sem er aðeins 22 ára gamall, fær 33 milljónir Evra í árslaun eða 5,7 milljarða kr. Það er franska knattspyrnutímaritið France Football sem greinir frá.

Messi skrifaði undir samning við Barcelona í júlí á s.l. ári sem tryggir honum 34 milljónir í grunnlaun á viku. Með bónusum og öðrum samningum sem snúa að ímynd leikmannsins fer þessi upphæð upp í 113 milljónir á viku. Messi er því með um 475 milljónir kr. á mánuði í laun.

Tekjuhæstu leikmenn heims samkvæmt útreikningum France Football eru:

1.            Lionel Messi, Barcelona - 5,7 milljarðar kr.
2.            David Beckham, LA Galaxy -  5,2 milljarðar kr.
3.            Cristiano Ronaldo,  Real Madrid - 5,2 milljarðar kr.
4             Kaká, Real Madrid - 3,2 milljarðar kr.
5.            Thierry Henry, Barcelona - 3,1 milljarður kr.
6.            Ronaldinho, AC Milan - 3 milljarðar kr.
7             Carlos Tévez, Manchester City - 2,6 milljarðar.
8.            Zlatan Ibrahimovic, Barcelona - 2,5 milljarðar kr.
9             Frank Lampard, Chelsea-  2,46 milljarðar kr.
10.          Samuel Eto'o, Inter - 2,38 milljarðar kr.

• 1 blogg um fréttina

Bloggað um fréttina

• Tímanna Tákn: Messi fær tæplega 6 milljarða kr. á ári