Maradona: Landráð og svik

Diego Mara­dona, sem látið hef­ur af störf­um sem landsliðsþjálf­ari Arg­entínu í knatt­spyrnu, sagði í kvöld að Car­los Bil­ar­do, fram­kvæmda­stjóri landsliðsins hefði svikið sig. Sagði Mara­dona, að Bil­ar­do hefði beðið eft­ir tæki­færi til að losna við hann.

Arg­entínska knatt­spyrnu­sam­bandið ákvað í gær­kvöldi að end­ur­nýja ekki samn­ing við Mara­dona, sem gerði þá kröfu að allt starfs­fólk hans yrði end­ur­ráðið. Á það féllst Ju­lio Grondona, for­seti sam­bands­ins, ekki.

Mara­dona sakaði Grondona í kvöld um lyg­ar og að Bil­ar­do væri sek­ur um landráð. Bil­ar­do var landsliðsþjálf­ari Arg­entínu árið 1986 þegar Arg­entínu­menn unnu heims­meist­ara­titil­inn og Mara­dona var helsta stjarna liðsins.

„Grondona laug að mér. Bil­ar­do svik mig," sagði Mara­dona á blaðamanna­fundi í Bu­enos Aires í kvöld.

„Grondona sagði við mig í bún­ings­klef­an­um, eft­ir að við vor­um slegn­ir út úr heims­meist­ara­mót­inu í Suður-Afr­íku, hann sagði við mig fram­an við vitni og leik­menn­ina, að hann væri ánægður með störf mín og vildi að ég héldi áfram. Þegar við kom­um aft­ur til Arg­entínu fóru hlut­irn­ir að taka á sig und­ar­lega lög­un og á mánu­dag hitti ég Grondona. Eft­ir minn mín­út­ur sagðist hann vilja að ég héldi áfra en að það yrði að reka sjö aðstoðar­menn mína. Þegar hann sagði þetta var hann í raun að segja, að hann vildi ekki að ég héldi starf­inu áfram. Hann veit að ég get ekki verið áfram þjálf­ari án fé­laga minna."

Þá sagði Mara­dona, að Bil­ar­do hefðu unnið gegn sér bak við tjöld­in.

• 2 blogg um frétt­ina

Bloggað um frétt­ina

• Axel Jó­hann Hall­gríms­son: Svik eða landráð?
• Björn Birg­is­son: Landráðin eru alls staðar!