Ísland í milliriðil eftir sigur á Armenum
Ívar Örn Jónsson og Árni Vilhjálmsson í leik íslenska liðsins gegn Tyrkjum á föstudaginn.
mbl.is/Ómar Óskarsson
Setja bókamerki
Ísland er komið í milliriðil í Evrópukeppni U17 ára landsliða drengja í fótbolta eftir sigur á Armenum, 2:1, á Keflavíkurvelli í lokaumferð undanriðilsins í dag.
Ragnar Bragi Sveinsson kom íslenska liðinu yfir strax á 2. mínútu en Nairi Minasyan jafnaði fyrir Armena á 12. mínútu.
Staðan var 1:1 í hálfleik en á þrettándu mínútu síðari hálfleiks fékk Ísland vítaspyrnu og úr henni skoraði Oliver Sigurjónsson, 2:1.
Á sama tíma burstuðu Tyrkir lið Tékka, 6:1, í Grindavík og það eru því Íslendingar og Tyrkir sem halda áfram keppni. Íslenska liðið vinnur riðilinn á innbyrðis sigrinum gegn Tyrkjum en liðin voru jöfn að stigum.
Lokastaðan í riðlinum er þessi:
Ísland 6 stig (6:5)
Tyrkland 6 stig (9:3)
Tékkland 4 stig (6:9)
Armenía 1 stig (2:6)
Ása Ellerup flutt út og ætlar að selja húsið
Reiðubúin að aflýsa verkföllum í fjórum leikskólum
Vika í kosningar: Þetta segja kannanir
Í kappi við tímann að reyna að afstýra verkfalli
Vegirnir voru eins og borðstofuborð
50 milljónir eiga að minnka svindl um 1 milljarð
Flestir sem hvergi finnast koma frá Sómalíu
Varnargarðar hækkaðir um 3 til 4 metra