Fyrsti landsleikurinn 37 ára

„Okkur var hent út í djúpu laugina og út í óvissuna því við vissum ekki hvað við vorum að fara út í,“ sagði Albert Sævarsson markvörður Eyjamanna, sem stóð í markinu í fyrsta landsleik Íslands í innifótbolta sem fram fór gegn Lettum að Ásvöllum í kvöld.

„Við sáum á leiknum sem fór fram fyrr í dag og í okkar leik að við hefðum átt að vinna þennan leik en ég held að reynsluleysið hafi komið okkur í koll, við vinnum samt hina tvo leikina þegar við komum reynslunni ríkari og vitum betur hvað við eigum að gera.  Við komum af fjöllum í ýmsum atriðum og erum að skoða hvað við þurfum að gera,“ bætti Albert við en hann var að leika sinn fyrsta landsleik - 37 ára gamall. 

„Það er aldrei of seint ef maður er í góðu standi og er að standa við, af hverju ekki?“

Lettar unnu leikinn, 5:4, en Ísland leikur við Grikkland á Ásvöllum klukkan 17 á morgun og við Armena á mánudagskvöldið.

Albert Sævarsson (12) og félagar í fyrsta landsliði Íslands í innifótbolta. mbl.is/Kristinn

• 1 blogg um fréttina

Bloggað um fréttina

• Gísli Foster Hjartarson: Blessaður Albert