Stefán til liðs við Lilleström

Stefán Gíslason var í gær kynntur til sögunnar sem nýr leikmaður norska úrvalsdeildarliðsins Lilleström. Stefán skrifaði undir samning sem gildir til 1. ágúst með möguleika á framhaldi en hann var án félags eftir að hafa fengið sig lausan undan samningi við danska liðið Bröndby í síðasta mánuði.

„Ég kynni hér með til sögunnar leikmann sem kemur frá landinu sem við viljum helst fá leikmenn frá utan Noregs. Takið á móti Stefáni Gíslasyni,“ sagði Torgeir Bjarmann, yfirmaður knattspyrnumála hjá Lilleström, við stuðningsmenn Lilleström í gær.