Sigrar hjá Fjölni og KA

Tveir leik­ir fóru fram í 1. deild karla í knatt­spyrnu í kvöld. KA sigraði ÍR 3:0 í knatt­spyrnu­hús­inu Bog­an­um og í Grafar­vogi lagði Fjöln­ir lið Vík­ings frá Ólafs­vík að velli 2:0. Fylgst var með gangi mála hér á mbl.is.

22:02 Leik lokið. Fjöln­ir vann 2:0 og nýliðarn­ir í Vík­ingi hafa þá tapað fyrstu tveim­ur leikj­um sín­um í deild­inni en liðið komst í undanúr­slit bik­ar­keppn­inn­ar í fyrra.  Fjöln­is­menn eru hins veg­ar komn­ir með sex stig í fyrstu tveim­ur leikj­un­um.

21:52 Mark! Fjöln­ir er að landa þrem­ur stig­um gegn Vík­ing­um en Guðmund­ur Karl Guðmunds­son bætti við öðru marki á 89. mín­útu.

21:17 MARK! Fjöln­is­menn eru komn­ir yfir í Grafar­vogi með marki frá Ill­uga Þór Gunn­ars­syni á 57. mín­útu. Ill­ugi skoraði af stuttu færi eft­ir horn­spyrnu. 

Kl 20:59 Leik lokið. KA sigraði ÍR ör­ugg­lega 3:0. Ak­ur­eyr­ing­ar hafa byrjað vel í 1. deild­inni og hafa haldið hreinu í fyrstu tveim­ur leikj­un­um en þeir gerðu marka­laust jafn­tefli gegn Leikni í Breiðholt­inu í fyrstu um­ferð. Nú kipptu þeir hinu Breiðholtsliðinu niður á jörðina en ÍR sótti þrjú stig vest­ur í Skutuls­fjörð um síðustu helgi. 

Kl 20:57 Ekki tókst leik­mönn­um Fjöln­is og Vík­ings frá Ólafs­vík að skora í fyrri hálfleik í Grafar­vog­in­um. Þar er því allt opið í síðari hálfleik. 

Kl 20:31 Mark! Daniel Howell var að bæta við þriðja marki KA og öðru marki sínu í leikn­um með lag­legu skoti af 25 metra á 68. mín­útu og staða Ak­ur­eyr­inga orðin væn­leg. 

Kl 20:19 Mark! KA er búið að bæta öðru marki við á 57. mín­útu en markið var reynd­ar skorað af ÍR-ingn­um Jó­hanni Björns­syni en hann skoraði sjálfs­mark með skalla. Ak­ur­eyr­ing­ar eru mun grimm­ari og ÍR á í vök að verj­ast.

Kl 19:59 Flautað hef­ur verið til leik­hlés í Bog­an­um á Ak­ur­eyri og KA er yfir 1:0. Ak­ur­eyr­ing­ar fengu nóg af fær­um og Breiðhylt­ing­ar björguðu til að mynda á línu auk þess sem Ró­bert Örn Óskars­son hef­ur staðið fyr­ir sínu í mark­inu en Ró­bert er ný­kom­inn til ÍR. Gest­irn­ir komust bet­ur inn í leik­inn á síðasta kort­er­inu í fyrri hálfleik og gætu því orðið öfl­ugri í síðari hálfleik en í þeim fyrri.

Kl 19:21. Mark! KA hef­ur kom­ist yfir gegn ÍR. Daniel Howell fékk langa stungu­send­ingu inn fyr­ir vörn ÍR og renndi bolt­an­um fram­hjá markverði ÍR-inga. KA-menn hafa verið mun spræk­ari í upp­hafi leiks.

Leik­skýrsla Fjöln­ir - Vík­ing­ur Ó 

Leik­skýrsla KA - ÍR

Hauk­ur Heiðar Hauks­son, fyr­irliði KA, á hér bylm­ingsskalla að marki ÍR eft­ir horn snemma leiks. Daniel Howell, fyr­ir miðri mynd, braut ís­inn skömmu síðar. mbl.is/​Skapti Hall­gríms­son

• 1 blogg um frétt­ina

Bloggað um frétt­ina

• Gísli Foster Hjart­ar­son: Guðlaug­ur Bald­urs­son!!!