Drillo valdi 20 fyrir Íslandsleik

Egil Drillo Olsen, landsliðsþjálfari Norðmanna í knattspyrnu, tilkynnti í dag 20 manna hóp fyrir leikina gegn Íslandi og Danmörku í undankeppni EM sem fram fara 2. og 6. september.

Fátt kom norskum fjölmiðlamönnum á óvart nema að hann skyldi ekki  velja Håvard Nordtveit sem hefur leikið mjög vel með Mönchengladbach í Þýskalandi að undanförnu.

Drillo sagðist á blaðamannafundi eiga von á mjög erfiðum leik gegn Íslandi í Ósló 2. september. "Þeir töpuðu illa í síðasta leik og sagan segir að þeir vilji bæta fyrir það," sagði þjálfarinn reyndi sem er með lið sitt í hörðum slag við Danmörku og Portúgal um toppsæti riðilsins.

Drillo var spurður mikið út í John Carew, sem hefur lítið spilað að undanförnu en kom inná hjá West Ham gegn Leeds í ensku B-deildinni um helgina. „Ef hann hefði ekki verið kominn að hjá nýju félagi hefði ég ekki valið hann. Carew hefur æft vel og það er  góðs viti að honum var skipt inná snemma," sagði Egil Drillo Olsen.

Lið Norðmanna er þannig skipað:

Markverðir:
Rune A. Jarstein, Viking Stavanger
Jon Knudsen, Stabæk
Espen Bugge Pettersen, Molde 

Útileikmenn:
Mohammed Abdellaoue, Hannover 
Daniel Braaten, Toulouse 
Simen Brenne, Odd Grenland 
John Carew, West Ham 
Vadim Demidov, Real Sociedad 
Christian Grindheim, FC Köbenhavn 
Henning Hauger, Hannover 
Brede Hangeland, Fulham 
Erik Huseklepp, Portsmouth 
Tom Høgli, Club Brugge 
Ruben Yttergård Jenssen, Tromsö 
Jonathan Parr, Crystal Palace 
Morten Gamst Pedersen, Blackburn 
John Arne Riise, Fulham 
Espen Ruud, OB 
Alexander Tettey, Rennes 
Kjetil Wæhler, AaB 

• 1 blogg um fréttina

Bloggað um fréttina

• Torfi Kristján Stefánsson: Hvað með íslenska liðið?