Eyjólfur velur 23 fyrir 21-árs landsliðið

Eyjólfur Sverrisson þjálfari 21-árs landsliðsins í knattspyrnu tilkynnti í dag 23 manna hóp fyrir tvo fyrstu leiki liðsins í nýrri Evrópukeppni. Ísland mætir Belgíu á  Hlíðarenda 1. september og Noregi á Kópavogsvelli 6. september.

Í hópnum eru 11 leikmenn sem hafa spilað með 21-árs landsliðinu en aðeins einn,  Björn Bergmann Sigurðarson, sem kom  við sögu í leikjum þess í úrslitakeppni EM í Danmörku í sumar. Þeir Arnar Darri Pétursson og Þórarinn Ingi Valdimarsson voru einnig í hópnum þar en tóku ekki þátt í leikjunum þremur.

Aðeins fimm af 23 leikmönnunum leika erlendis og einn þeirra, Ásgeir Þór Magnússon, spilar með 2. deildarliði Hattar á Egilsstöðum.

Kolbeinn Sigþórsson og Jóhann Berg Guðmundsson eru ekki í hópnum og eru því væntanlega í A-landsliðshópnum sem verður tilkynntur á morgun, og þá er Hólmar Örn Eyjólfsson frá keppni um þessar mundir vegna meiðsla.

Hópurinn er þannig skipaður:

Markverðir:
Arnar Darri Pétursson, SönderjyskE (3)
Árni Snær Ólafsson, ÍA
Ásgeir Þór Magnússon, Hetti

Varnarmenn:
Finnur Orri Margeirsson, Breiðabliki (4)
Kristinn Jónsson, Breiðabliki (2)
Jóhann Laxdal, Stjörnunni (2)
Eiður Aron Sigurbjörnsson, ÍBV (1)
Dofri Snorrason, KR
Gísli Páll Helgason, Þór
Hlynur Atli Magnússon, Fram

Miðjumenn:
Guðlaugur Victor Pálsson, Hibernian (6)
Þórarinn Ingi Valdimarsson, ÍBV (3)
Björn Daníel Sverrisson, FH (2)
Atli Sigurjónsson, Þór
Björn Jónsson, KR
Brynjar Gauti Guðjónsson, ÍBV
Magnús Þórir Matthíasson, Keflavík

Sóknarmenn:
Björn Bergmann Sigurðarson, Lilleström (5)
Kristinn Steindórsson, Breiðabliki (4)
Aron Jóhannsson, AGF (2)
Guðmundur Þórarinsson, ÍBV
Jóhann Helgi Hannesson, Þór
Kolbeinn Kárason, Val

• 1 blogg um fréttina

Bloggað um fréttina

• Torfi Kristján Stefánsson: Enginn æfingaleikur fyrir mótið!