Ísland heldur toppsætinu

Íslenska kvenna­landsliðið í knatt­spyrnu mætti Norður-Írum í undan­keppni Evr­ópu­móts landsliða í Belfast í kvöld og hafði bet­ur 2:0. Sig­ur­inn var sann­fær­andi en Hólm­fríður Magnús­dótt­ir og Dagný Brynj­ars­dótt­ir skoruðu mörk Íslands með tveggja mín­útna milli­bili fyr­ir hlé. Íslend­ing­ar eru efst­ir í riðlin­um með 13 stig eft­ir fimm leiki en N-Írar hafa 3 stig eft­ir tvo leiki. Fylgst var með gangi mála í leikn­um hér á mbl.is.

Mark Hólm­fríðar kom á 39. mín­útu eft­ir horn­spyrnu Dóru Maríu Lár­us­dótt­ur. Þvaga myndaðist í víta­teig Norður-Íra og skaut Ólína G. Viðars­dótt­ir bolt­an­um í Hólm­fríði og þaðan í netið eft­ir því sem næst verður kom­ist.

Mark Dag­nýj­ar kom á 41. mín­útu og var lag­legt skalla­mark úr víta­teign­um eft­ir fyr­ir­gjöf Hall­beru Guðnýj­ar Gísla­dótt­ur frá vinstri.

Nor­eg­ur vann í kvöld góðan útisig­ur á Belg­íu 1:0 og þær norsku gera sitt besta til þess að halda í við ís­lenska liðið í topp­bar­áttu riðils­ins.

Íslenska liðið bætti sig frá því í síðustu heim­sókn til Belfast en þangað fór Ísland einnig í síðustu undan­keppni. Þá vann Ísland 1:0 með marki frá Katrínu Ómars­dótt­ur sem kom á síðustu stundu.

Lið N-Írlands: Emma Higg­ins, Lyndsay Corry, Demi Vance, Nada­ne Coldwell, Ju­lie Nel­son, Ashley Hutt­on, Kenda McMull­an, Rachel Fur­ness, Sarah McFadd­en, Kristy McGu­inn­ess, Aoi­fe Lennon.
Vara­menn: Krystal Par­ker, Jessia Stephens, Laura Nicholas, Adele Gil­lespie, Simo­ne Mag­ill, Cat­her­ine O'Hag­an, Kelly Bailie.

Lið Íslands: Þóra B. Helga­dótt­ir - Ólína G. Viðars­dótt­ir, Sif Atla­dótt­ir, Katrín Jóns­dótt­ir, Hall­bera Guðný Gísla­dótt­ir - Fann­dís Friðriks­dótt­ir, Sara Björk Gunn­ars­dótt­ir, Dagný Brynj­ars­dótt­ir, Dóra María Lár­us­dótt­ir, Hólm­fríður Magnús­dótt­ir - Mar­grét Lára Viðars­dótt­ir.
Vara­menn: Guðbjörg Gunn­ars­dótt­ir, Gunn­hild­ur Yrsa Jóns­dótt­ir, Lauf­ey Ólafs­dótt­ir, Guðný Björk Óðins­dótt­ir, Mál­fríður Erna Sig­urðardótt­ir, Þór­unn Helga Jóns­dótt­ir.

Íslenska kvenna­landsliðið. mbl.is/​Eggert Jó­hann­es­son

Norður-Írland	0:2	Ísland	Opna lýs­ingu Loka
90. mín. Guðný Björk Óðins­dótt­ir (Ísland) á skot sem er varið
Mörk Hólmfríður Magnúsdóttir (39. mín.) Dagný Brynjarsdóttir (41. mín.) mín. 90 Leik lokið Leiknum er lokið með góðum 2:0 sigri Íslands og toppsæti riðilsins er því ennþá Íslendinga. 90 Ísland fær hornspyrnu 90 Venjulegur leiktími er liðinn. Þeirri ítölsku er óhætt að flauta þetta af og leyfa Íslendingum að fagna sigri. 90 Guðný Björk Óðinsdóttir (Ísland) á skot sem er varið 89 Gunnhildur Yrsa Jónsdóttir (Ísland) kemur inn á Besti leikmaður Íslandsmótsins fær að spreyta sig. 89 Hólmfríður Magnúsdóttir (Ísland) fer af velli 88 Laura Nicholas (Norður-Írland) kemur inn á 88 Aoife Lennon (Norður-Írland) fer af velli 83 Kirsty McGuinness (Norður-Írland) á skot sem er varið 83 Hólmfríður Magnúsdóttir (Ísland) á skot framhjá 81 Guðný Björk Óðinsdóttir (Ísland) kemur inn á 81 Dóra María Lárusdóttir (Ísland) fer af velli 79 Simone Magill (Norður-Írland) kemur inn á 79 Kirsty McGuinness (Norður-Írland) fer af velli 78 Þórunn Helga Jónsdóttir (Ísland) kemur inn á 78 Dagný Brynjarsdóttir (Ísland) fer af velli 74 Ólína G. Viðarsdóttir (Ísland) á skot framhjá 70 Nadene Caldwell (Norður-Írland) á skot framhjá 69 Hólmfríður Magnúsdóttir (Ísland) á skot sem er varið 66 Jessica Stephens (Norður-Írland) kemur inn á 66 Kendra McMullan (Norður-Írland) fer af velli 65 Hólmfríður Magnúsdóttir (Ísland) á skot sem er varið 65 Noregur vann góðan útisigur á Belgíu 1:0 í riðli okkar Íslendinga í kvöld. Marita Lund skoraði eina mark leiksins á 67. mínútu. Ísland lék heima gegn þessum liðum í síðasta mánuði. Ísland vann Noreg 3:1 en gerði 0:0 jafntefli gegn Belgíu. 60 Margrét Lára Viðarsdóttir (Ísland) á skot framhjá 59 Sara Björk Gunnarsdóttir (Ísland) á skalla sem er varinn 58 Ísland fær hornspyrnu 55 Fanndís Friðriksdóttir (Ísland) á skot framhjá Eftir hornspyrnu Dóru. 55 Ísland fær hornspyrnu 52 Hallbera Guðný Gísladóttir (Ísland) á skot framhjá 46 Leikur hafinn Síðari hálfleikur er hafinn og nú þarf heimaliðið að færa sig framar á völlinn ef það ætlar sér að ná í stig í kvöld. 45 Hálfleikur Fyrri hálfleik er lokið í Belfast og útlitið er gott hjá okkur konum. 41 MARK! Dagný Brynjarsdóttir (Ísland) skorar 0:2 Íslensku landsliðskonurnar eru greinilega komnar á bragðið í Belfast. Dagný Brynjarsdóttir var að bæta við marki og nýtir þannig tækifæri sitt í byrjunarliðinu með viðeigandi hætti. Hallbera gaf fyrir frá vinstri og Dagný skallaði laglega í fjærhornið úr vítateignum. Vel að þessu marki staðið. 39 MARK! Hólmfríður Magnúsdóttir (Ísland) skorar 0:1. Ísland er komið yfir. Frábært að ná forystunni fyrir leikhlé. Dóra María tók hornspyrnu og Ólína reyndi markskot sem hafnaði í Hólmfríði og fór þaðan í netið. Markið er alla vega skráð á Hólmfríði fyrst um sinn en mikil þvaga var í vítateignum. 38 Ísland fær hornspyrnu 38 Margrét Lára Viðarsdóttir (Ísland) á skot sem er varið N-Írunum tókst að komast fyrir skot frá Margréti 36 Ísland fær hornspyrnu 32 Ísland hefur verið sterkari aðilinn í leiknum. Liðið byrjaði þó rólega en hefur sótt í sig veðrið. Dauðafæri Ólínu er langbesta færið í leiknum til þessa. 31 Hólmfríður Magnúsdóttir (Ísland) á skot framhjá 30 Ísland fær hornspyrnu 30 Hólmfríður Magnúsdóttir (Ísland) á skot sem er varið 29 Kirsty McGuinness (Norður-Írland) á skot sem er varið Þóra sá við henni. 22 Margrét Lára Viðarsdóttir (Ísland) á skot framhjá 19 Ólína G. Viðarsdóttir (Ísland) á skalla sem fer framhjá Ólína fékk dauðafæri um tvo metra frá markinu eftir hornspyrnu Dóru en skallaði framhjá. 19 Ísland fær hornspyrnu Aftur tekur Dóra hornspyrnu 13 Ísland fær hornspyrnu Dóra María tók hornspyrnuna. 11 Norður-Írland fær hornspyrnu Íslendingar komust fyrir skot frá Furness. 5 Kendra McMullan (Norður-Írland) á skot framhjá 1 Sarah McFadden (Norður-Írland) á skot framhjá 1 Leikur hafinn Leikurinn er hafinn í Belfast. 0 Aðstæður til knattspyrnuiðkunar eru ágætar í Belfast en þó má gera ráð fyrir því að það verði býsna svalt þegar líður á leikinn. Fréttir bárust af miklum rigningum í gær en völlurinn er enn sem komið er nokkuð þéttur og búið að vinna vel í honum í dag. 0 Fimm leikmenn Norður-Íra kannast vel við sig á Íslandi. Emma Higgins lék í marki Grindavíkur í sumar og Julie Nelson í vörn ÍBV. Sarah McFadden lék með Grindavík í byrjun tímabilsins og áður með Fylki, fyrirliðinn Ashley Hutton spilaði áður með Fylki og ÍR og Rachel Furness lék með Grindavík 2010. 0 Ísland og Norður-Írland voru líka saman í riðli í síðustu undankeppni HM. Ísland vann þá nauman sigur í Belfast, 1:0, þar sem Katrín Ómarsdóttir skoraði sigurmarkið. Ísland hafði yfirburði í seinni leiknum á Laugardalsvelli en hann endaði þó aðeins 2:0 þar sem Sara Björk Gunnnarsdóttir og Katrín Jónsdóttir skoruðu mörkin. 0 Í kvöld mætast líka Belgía og Noregur í athyglisverðum leik í Dessel í Belgíu. Belgar eru með 4 stig en Noregur 3 þegar bæði lið hafa leikið tvo leiki. 0 Ísland leikur í kvöld fimmta leik sinn í keppninni en liðið er með 10 stig eftir fjóra þá fyrstu. Ísland vann Búlgaríu 6:0, Noregi 3:1 og Ungverjaland 1:0 en gerði 0:0 jafntefli við Belgíu. 0 Norður-Írland sigraði Búlgaríu á útivelli, 1:0, í fyrsta leik sínum í undankeppni EM á laugardaginn. Nýliðinn Jessica Doran Stephens skoraði sigurmarkið strax á 10. mínútu. Sjá meira Sjá allt Norður-Írland: (M), . Varamenn: (M), . Ísland: (M), . Varamenn: (M), . Skot: Norður-Írland 5 (2) - Ísland 16 (8) Horn: Ísland 8 - Norður-Írland 1. Lýsandi: Völlur: The Oval, Belfast Leikur hefst 26. okt. 2011 18:30 Aðstæður: Svalt veður, um 5 stiga hiti fyrir leik og fer kólnandi. Völlurinn er ágætur og búið að undirbúa hann vel fyrir leikinn. Dómari: Carina Vitulano, Ítalíu Aðstoðardómarar:

• 1 blogg um frétt­ina

Bloggað um frétt­ina

• Ólaf­ur Ragn­ars­son: "stelp­un­um okk­ar"