Óvissa með Birki í Stavanger
Setja bókamerki
Åge Hareide, þjálfari norska knattspyrnuliðsins Viking frá Stavanger, segir að það allsendis óvíst að íslenska landsliðsmanninum Birki Bjarnasyni verði boðinn nýr samningur. Núgildandi samningur Birkis við félagið er útrunninn en hann hefur leikið með aðalliði Viking í sex ár, frá 17 ára aldri.
Birkir vildi losna frá Viking í sumar og hafnaði þá boði um nýjan samning. Samkvæmt TV2 hafa nú málin snúist á þann veg að Hareide sé farinn að skipuleggja sitt lið án þess að vera með Íslendinginn á teikniborðinu hjá sér.
„Við höfum ekki verið í formlegu sambandi við Birki eða umboðsmanninn hans. Við höfum heldur ekki tekið ákvörðun um hvort honum verið boðinn nýr samningur. Ef við síðan göngum frá samningi við annan leikmann í hans stöðu munu dyrnar lokast á hann," segir Hareide við TV2.
Birkir var fámáll þegar TV2 leitaði eftir viðbrögðum frá honum og vísaði á umboðsmanninn sinn: „Það hefði vissulega verið fínt að vera kominn með hlutina á hreint, en þú verður að ræða þetta frekar við Jim Solbakken," sagði Birkir.
Koma fyrstu tölur á sunnudagskvöldið?
Hvatti kjósendur til þess að greiða ógild atkvæði
Falskur fyrirvari á auglýsingum Höllu
Íslensk kona handtekin á Tenerife eftir líkamsárás
Rannsókn á menningarnæturmáli lokið
Létu lofthræðsluna ekki á sig fá
Fundur hafinn hjá kennurum, ríki og sveitarfélögum
„Við vöknuðum við hljóð frá sprengingum“