Íslendingar lágu fyrir Japönum í Osaka

Íslend­ing­ar biðu lægri hlut fyr­ir Japön­um, 3:1, en þjóðirn­ar átt­ust við í vináttu­leik á Nagai Stadi­um vell­in­um í Osaka í Jap­an í dag. Þetta var fyrsti leik­ur Íslands und­ir stjórn Sví­ans Lars Lä­ger­back en ís­lenska liðið var skipað leik­mönn­um úr Pepsi-deild­inni og frá liðum á Norður­lönd­um. Arn­ór Smára­son skoraði mark Íslend­inga úr víta­spyrnu í upp­bót­ar­tíma.

90+4 Leikn­um er lokið með 3:1 sigri Jap­ana.

90+2 MARK!! Arn­ór Smára­son minnkaði mun­inn fyr­ir Íslend­inga með marki úr víta­spyrnu sem Garðar Jó­hanns­son fékk.

83. Síðasta skipt­ing­in í ís­lenska liðinu. Stjörnumaður­inn Hall­dór Orri Björns­son kem­ur inná í sín­um fyrsta lands­leik og leys­ir Þór­ar­inn Inga Valdi­mars­son af hólmi.

80. Steinþór Freyr Þor­steins­son hef­ur skemmt japönsk­um áhorf­end­um með vel þekkt­um glæsitilrif­um í inn­köst­un­um.

78. MARK!! Jap­an­ir eru að inn­byrða ör­ugg­an sig­ur. Þeir eru komn­ir í 3:0. Eft­ir auka­spyrnu barst bolt­inn inn á víta­teig Íslend­inga og á fjór­um fót­um náði Tomoaki Mak­ino að koma bolt­an­um í netið. Jap­an­ir eru fljót­ir að refsa fyr­ir mis­tök í öft­ustu varn­ar­línu.

77. Síðari hálfleik­ur­inn hef­ur verið í jafn­vægi og bara markið fljót­lega í seinni hálfleik sem skil­ur á milli.

73. Stjörnumaður­inn Garðar Jó­hanns­son tek­ur stöðu Gunn­ars Heiðars Þor­valds­son­ar í fremstu víg­línu.

68. Ari Freyr Skúla­son kem­ur inná fyr­ir Hauk Pál Sig­urðsson, sem fékk þung högg á kjálk­ann fimm mín­út­um áður. Ari er að spila sinn ann­an lands­leik.

65. Hætta upp við jap­anska markið. Arn­ór Smára­son, besti maður ís­lenska liðsins, átti hættu­lega fyr­ir­gjöf sem markvörður Jap­ana rétt náði að bjarga með því að slá bolt­ann aft­ur fyr­ir enda­mark. Hann var hárs­breidd á und­an Hall­grími Jónas­syni í bolt­ann.

54. Varamaður­inn Junya Tanaka komst í dauðafæri nán­ast á sömu mín­út­unni eft­ir markið en skot fram­herj­ans fór rétt fram­hjá mark­inu.

53. MARK!! Jap­an­ir eru komn­ir í 2:0. Steinþór Freyr tapaði bolt­an­um illa á miðsvæðinu og Jap­an­ir voru fljót­ir í sókn. Jungo Fujimoto fékk send­ingu inn­fyr­ir vörn­ina og hann vippaði lag­lega yfir Gunn­leif Gunn­leifs­son.

50. Hauk­ur Páll Sig­urðsson átti skalla að jap­anska mark­inu eft­ir auka­spyrnu Arn­órs Smára­son en bolt­inn fór vel fram­hjá mark­inu.

46. Síðari hálfleik­ur er haf­inn. Þrjár breyt­ing­ar voru gerðar á ís­lenska liðinu í hálfleikn­um. Gunn­leif­ur Gunn­leifs­son, Steinþór Freyr Þor­steins­son og Skúli Jón Friðgeirs­son eru komn­ir inná fyr­ir Hann­es Þór Hall­dórs­son, Guðmund Kristjáns­son og Matth­ías Vil­hjálms­son. Jap­an­ir gerðu tvær breyt­ing­ar á liði sínu.

45. Ástr­alski dóm­ar­inn Chris Be­ath flaut­ar til leik­hlés. Jap­an­ir eru 1:0 yfir. Þeir fengu óska­byrj­un en Ryoichi Maeda skoraði eft­ir 94 sek­únd­ur. Jap­an­ir hafa haft tögl og hagld­ir en ís­lenska liðið hef­ur bar­ist vel og komst meira inn í leik­inn síðasta stund­ar­fjórðung­inn eft­ir erfiða byrj­un.

44. Gunn­ar Heiðar Þor­valds­son fékk að líta gula spjaldið fyr­ir brot. Eyjamaður­inn full ákaf­ur og braut af sér í þriðja sinn.

37. Fujimoto komst í gott færi eft­ir góða skynd­isókn en skot hans fór fram­hjá ís­lenska mark­inu.

35. Arn­ór Smára­son átti ágæta marktilraun en skot Skaga­manns­ins var frek­ar laust og markvörður Jap­ana átti ekki í vand­ræðum með að hand­sama bolt­ann. Rétt á und­an var Hann­es Þór Hall­dórs­son vel á verði í ís­lenska mark­inu.

32. Matth­ías Vil­hjálms­son átti laus­an skalla að marki Jap­ana eft­ir auka­spyrnu en skall­inn var hættu­laus og bolt­inn hafnaði í hönd­um Nis­hikawa markv­arðar Jap­ana.

30. Jap­an­ir hafa ráðið al­gjör­lega fyrsta hálf­tíma leiks­ins. Þeir hafa þó ekki fengið mörg opin mark­tæki­færi en ís­lensku leik­menn­irn­ir hafa verið í tals­verðum elt­inga­leik gegn snögg­um og létt­leik­andi japönsku liði.

20. Íslensku strák­arn­ir eru aðeins að hress­ast. Minnstu munaði að Gunn­ar Heiðar kæm­ist í gott færi eft­ir góðan fyr­ir­gjöf Guðmund­ar Kristjáns­son­ar.

18. Arn­ór Smára­son átti góðan sprett og náði ágæt­is skoti en bolt­inn fór vel yfir markið. Oku­bu braut á Arn­óri í leiðinni og fékk að líta gula spjaldið.

15. Íslenska vörn­in hef­ur opn­ast hvað eft­ir annað og þá sér­stak­lega á vængj­unu. Íslend­ing­ar hafa ekki átt eina ein­ustu sókn að viti.

10. Það hef­ur verið á bratt­ann að sækja fyr­ir ís­lenska liðið þess­ar fyrstu 10 mín­út­ur leiks­ins. Jap­an­ir eru bún­ir að fá þrjár horn­spyrn­ur og stjórna leikn­um.

2. MARK!! Jap­an­ir voru ekki lengi að skora en 94 sek­únd­um eft­ir flaut dóm­ar­ans lá bolt­inn í net­inu hjá Ísland­ing­um. Ryoichi Maeda skoraði með skalla eft­ir góðan und­ir­bún­ing frá Tomoaki Mak­ino, sem sólaði Guðmund­ur Kristjáns­son upp úr skón­um áður en hann sendi bolt­ann fyr­ir markið. Eng­in óska­byrj­un hjá Lars Lä­ger­back.

1. Leik­ur­inn er haf­inn. Íslend­ing­ar leika í al­hvít­um bún­ing­um en Jap­an­ir eru í dökk­blá­um bún­ing­um. Dóm­ar­inn er frá Ástr­al­íu.

0. Íslensk stúlka, sem að læra óperu­söng í Jap­an, er þessa stund­ina að kyrja ís­lenska þjóðsöng­inn

0. Þetta verður þriðji lands­leik­ur Íslands og Jap­ans frá upp­hafi. Jap­an­ir komu hingað til lands fyr­ir rúm­um 40 árum, sum­arið 1971, og sigruðu 2:0 á Laug­ar­dals­vell­in­um. Þjóðirn­ar mætt­ust aft­ur á alþjóðlegu móti í Manchester á Englandi vorið 2004 og þá  vann Jap­an í líf­leg­um leik, 3:2, þar sem Heiðar Helgu­son skoraði bæði mörk Íslands.

0. Þó að Jap­an­ir tefli fram ein­göngu leik­mönn­um jap­anskra liða í lands­leikn­um gegn Íslandi í Osaka í dag eru þeir með mjög reynda menn inn­an­borðs.

0. Þar fer fremst­ur heimamaður­inn Ya­su­hito Endo, ann­ar lands­leikja­hæsti knatt­spyrnumaður Jap­ana frá upp­hafi. Hann hef­ur leikið 112 lands­leiki og spil­ar með Gamba Osaka en þrátt fyr­ir lands­leikja­fjöld­ann hef­ur hann spilað all­an sinn fer­il í heima­land­inu.

0. Ítal­inn Al­berto Zacch­ereoni er þjálf­ari Jap­ana. Hann tók við þjálf­un landsliðsins árið 2010 en hann hef­ur víða komið við. Meðal liða sem hann hef­ur þjálfað eru: AC Mil­an, Lazio, Udinese, In­ter Mílanó, Torinó og Ju­vent­us.

0. Íslenska liðið er að mestu skipað leik­mönn­um frá liðum á Íslandi og á Norður­lönd­un­um og er hálf­gert B-landsliðið. Á miðviku­dag­inn leik­ur A-landsliðið vináttu­leik á móti Svart­fell­ing­um ytra. Eng­inn úr leik­manna­hópn­um í dag verður með ís­lenska liðinu í þeim leik.

0. Hauk­ur Páll Sig­urðsson úr Val og Þór­ar­inn Ingi Valdi­mars­son, ÍBV, leika í dag sinn fyrsta lands­leik.

Lið Íslands: Hann­es Þór Hall­dórs­son  - Guðmund­ur Kristjáns­son, Hjálm­ar Jóns­son, Hall­grím­ur Jónas­son, Arn­ór Sveinn Aðal­steins­son - Arn­ór Smára­son, Hauk­ur Páll Sig­urðsson, Helgi Val­ur Daní­els­son (f), Þór­ar­inn Ingi Valdi­mars­son - Matth­ías Vil­hjálms­son, Gunn­ar Heiðar Þor­valds­son. Vara­menn: Gunn­leif­ur Gunn­leifs­son, Skúli Jón Friðgeirs­son, Steinþór Freyr Þor­steins­son, Ari Freyr Skúla­son, Hall­dór Orri Björns­son, Garðar Jó­hanns­son, Elf­ar Freyr Helga­son.

Lið Jap­ans: Nis­hikawa (m), Komano, Kuri­hara, Konno, Mak­ino, Endo, Fujimoto, Maeda, Kashiwagi, Masuda, Oku­bu. Vara­menn: Yama­moto, Hayashi, Taniguchi, In­oha, Kondo, Moriwaki, Nakamura, Is­hikawa, Isomura, Shi­ba­saki, Tanaka, Kubo.

• 1 blogg um frétt­ina

Bloggað um frétt­ina

• Torfi Kristján Stef­áns­son: Vara­manna­bekk­ur­inn miklu betri en byrj­un­arliðið!