Svartfjallaland knúði fram sigur

Svart­fjalla­land sigraði Ísland, 2:1, í vináttu­lands­leik í knatt­spyrnu í Pod­g­orica, höfuðborg Svart­fjalla­lands í dag. Stev­an Jo­vetic tryggði Svart­fell­ing­um sig­ur með marki á 88. mín­útu en hann gerði bæði mörk heima­manna í leikn­um.

Jo­vetic kom Svart­fell­ing­um yfir á 56. mín­útu. Al­freð Finn­boga­son jafnaði á 79. mín­útu, ný­kom­inn inná sem varamaður, og strax í næstu sókn átti hann dauðafæri en skaut í þverslána og niður.

Fylgst var með gangi mála hér á mbl.is.

90+3 Íslenska liðið átti ekki svar á loka­mín­út­un­um. Svart­fell­ing­ar héldu bolt­an­um að mestu eft­ir markið og sig­ur­inn er þeirra. Leik lokið.

89. Snögg sókn Svart­fell­inga og skot frá Vuc­inic en Stefán ver auðveld­lega.

88. MARK - 2:1. Glæsi­legt skot Stev­an Jo­vetic af 20 m færi, efst í mark­hornið hægra meg­in.

86. Dauðafæri heima­manna. Deli­basic lyft­ir bolt­an­um yfir af markteig eft­ir frá­bær­an und­ir­bún­ing hjá Vuc­inic.

84. Jo­vetic með hörku­skot af 20 m færi og Stefán Logi ver vel.

82. Jó­hann Berg í fínu skot­færi rétt utan víta­teigs, hörku­skot og Bosovic ver í mark­horn­inu niðri. Íslenska liðið er nú til alls lík­legt.

81. DAUÐAFÆRI!! Gylfi Þór Sig­urðsson fær  bolt­ann innvið markteig, er þar einn gegn mark­manni en í þröngu færi. Renn­ir út á Al­freð sem er í dauðafæri við markteig og lyft­ir bolt­an­um í hægra hornið, í þverslána og niður!! Jó­hann Berg fylg­ir á eft­ir, í dauðafæri á markteig, en skýt­ur yfir!!

79. MARK - 1:1. Al­freð Finn­boga­son er ekki lengi að þessu. Aron Ein­ar Gunn­ars­son á flotta send­ingu inníá milli varn­ar­manna, Al­freð slepp­ur inní víta­teig­inn hægra meg­in, plat­ar  varn­ar­mann og send­ir bolt­ann með vinstri yfir í vinstra mark­hornið!

77. Indriði Sig­urðsson kem­ur inná fyr­ir Sölva Geir Ottesen og tek­ur við fyr­irliðaband­inu af hon­um. Indriði er leikja­hæst­ur í liðinu í dag og spil­ar sinn 62. lands­leik.

74. Al­freð Finn­boga­son kem­ur inná fyr­ir Birki Bjarna­son. Óþreytt­ur fram­herji inná.

73. Svart­fell­ing­ar eru með nokkuð góð tök á leikn­um sem stend­ur og ís­lenska liðið er ekki eins kraft­mikið eft­ir því sem liðið hef­ur á leik­inn.

70. Mir­ko Vuc­inic með ágætt skot rétt utan víta­teigs en rétt fram­hjá ís­lenska mark­inu.

66. GULT - Mil­an Jovanovic brýt­ur illa á Rúrik og fær gula spjaldið.

66. Aron Ein­ar Gunn­ars­son kem­ur inná fyr­ir Kára Árna­son.

62. Gylfi Þór Sig­urðsson reyn­ir skot úr auka­spyrnu af 25 m færi en auðvelt fyr­ir Bosovic í mark­inu.

60. Birk­ir Már Sæv­ars­son kem­ur inná fyr­ir Grét­ar Rafn Steins­son og Hjört­ur Logi Val­g­arðsson fyr­ir Bjarna Ólaf Ei­ríks­son. Skipt um bakverði.

56. MARK - 1:0. Ein­falt var það. Skynd­isókn, fyr­ir­gjöf frá vinstri, og Stev­an Jo­vetic er mætt­ur innund­ir markteig og skall­ar bolt­ann af ör­yggi í ís­lenska markið. Þetta kem­ur up­p­úr væn­legri stöðu Íslands, auka­spyrnu sem ekk­ert verður úr og snöggri sókn í kjöl­farið.

54. Jó­hann  Berg með rispu fram völl­inn og skora af um 25 m færi en vel yfir mark Svart­fell­inga.

53. Hörku­skot frá Rúrik af 25 m færi, hægra meg­in, og bolt­inn svíf­ur rétt fram­hjá stöng­inni fjær.

52. GULT. Varn­ar­maður Svart­fell­inga, Kosovic, fær gula spjaldið fyr­ir að hanga í Grét­ari Rafni sem var á fullri ferð upp hægri kant­inn.

49. Birk­ir Bjarna­son með hörku­skot frá víta­teig og Bosovic ver, held­ur ekki bolt­an­um en góm­ar hann síðan.

46. Dauðafæri Svart­fell­inga. Mar­ko Cet­kovic, ný­kom­inn inná, og skýt­ur í þverslána og yfir.

46. Seinni hálfleik­ur er haf­inn.

46. Jó­hann Berg Guðmunds­son kem­ur inná fyr­ir Emil Hall­freðsson og er vinstra meg­in á miðjunni.

45. Hálfleik­ur og staðan er 0:0. Leik­ur­inn er í jafn­vægi í heild­ina en ís­lenska liðið hef­ur verið áræðið og kraft­mikið, pressað mót­herj­ana margsinn­is framar­lega og fengið ágæt færi til að skora.

43. Dauðafæri Íslands. Emil reyn­ir skot af um 25 m færi, bolt­inn fer í  varn­ar­mann og inn­fyr­ir vörn­ina þar sem Birk­ir Bjarna­son sting­ur sér fram­hjá mót­herj­un­um, tek­ur bolt­ann viðstöðulaust á lofti en rétt fram­hjá mark­inu.

41. Bosovic markvörður bjarg­ar sér naum­lega út úr mik­illi pressu ís­lenska liðsins í víta­teig Svart­fell­inga. Tefldi á tæp­asta vað og Ísland nær bolt­an­um og held­ur áfram að sækja.

40. Damjanovic slepp­ur inní víta­teig­inn eft­ir innkast, með tals­vert pláss rétt inn­an vinstra víta­teigs­horns en skotið er al­gjör­lega mis­heppnað og skap­ar enga hættu..

37. Tvær horn­spyrn­ur Svart­fell­inga í röð en Íslend­ing­ar skalla frá í bæði skipt­in.

36. Fínt  færi Íslands. Gylfi Þór með auka­spyrnu frá vinstri kanti og Birk­ir Bjarna­son skall­ar bolt­ann aft­ur fyr­ir sig frá víta­punkti, og rétt fram­hjá mark­inu. Sölvi Geir virt­ist keyrður niður í teign­um í leiðinni.

35. Stefán Logi ver úr þokka­legu færi vinstra meg­in í víta­teign­um, skot frá Sartovic.

30. Hálf­tími liðinn og allt í járn­um.

27. Grét­ar Rafn þarf aðhlynn­ingu eft­ir árekst­ur við Eggert fé­laga sinn en virðist vera í lagi.

26. Stev­an Jo­vetic reyn­ir að lyfta bolt­an­um yfir Stefán í mark­inu, rétt utan víta­teigs, en Stefán er með allt á hreinu og bolt­inn dett­ur yfir þverslána.

21. Fín auka­spyrna frá Gylfa inná markteig­inn þar sem fjór­ir Íslend­ing­ar eru nærri því að kom­ast í bolt­ann. Kári fær hann á bring­una en hann hrekk­ur rétt fram­hjá mark­inu. Mik­ill ákafi í ís­lenska liðinu.

21. Hörkupressa áfram hjá ís­lenska liðinu og vörn og markvörður heima­manna í vand­ræðum. Auka­spyrna hægra meg­in eft­ir brot á Rúrik.

18. "Mjög hress­andi að sjá ís­lenskt lið pressa svona framar­lega á vell­in­um," seg­ir Kristján Guðmunds­son þjálf­ari Vals sem tek­ur þátt í lýs­ing­unni á Sport TV.

17. Emil með skot af um 30 m færi, fín til­raun, rétt fram­hjá stöng­inni hægra meg­in.

16. Sölvi Geir með skalla eft­ir gríðarlangt innkast Kára Árna­son­ar frá hægri, en fram­hjá mark­inu.

16. Horn­spyrna frá Gylfa, frá hægri, en Svart­fell­ing­ar ná að skalla frá.

15. Stef­an Sa­vic, leikmaður Manchester City, reyn­ir skot af 30 m færi en yfir ís­lenska markið.

10. Mjög gott færi hjá Stev­an Jo­vetic í víta­teign­um eft­ir skynd­isókn Svart­fell­inga en hann er lengi að at­hafna sig og Stefán Logi ver skot hans vel.

8. Si­men Vukcevic með annað skot að marki Íslands, rétt utan víta­teigs, en hættu­laust og fram­hjá mark­inu.

5. Brotið á Rúrik á miðjum vall­ar­helm­ingi Svart­fell­inga og auka­spyrna á ágæt­um stað. Send­ing inní teig­inn, litlu mun­ar að Birk­ir Bjarna­son nái í bolt­ann og hann tel­ur að brotið sé á sér. Ekk­ert dæmt.

4. Si­men Vukcevic, leikmaður Blackburn, á fyrsta mark­s­kotið, frá  víta­teig eft­ir að Sölvi Geir skall­ar frá marki, en langt fram­hjá.

3. Íslenska liðið press­ar all framar­lega og Svart­fell­ing­ar eru í vand­ræðum á eig­in vall­ar­helm­ingi.

17.03 - Leik­ur­inn er haf­inn.

17.01 - Þjóðsöngv­arn­ir hafa verið leikn­ir og leik­ur­inn er að hefjast.

16.56 - Liðin ganga inná völl­inn og Sölvi Geir Ottesen fyr­irliði fer fyr­ir ís­lenska liðinu.

16.45 - Þetta er í fyrsta skipti sem Svart­fjalla­land og Ísland mæt­ast í lands­leik. Íslend­ing­um var boðið að verða fyrstu mót­herj­ar Svart­fell­inga í mars 2007, þegar þeir voru ný­lega orðin sjálf­stæð þjóð, en KSÍ hafnaði boðinu.

Lið Íslands: Stefán Logi Magnús­son - Grét­ar Rafn Steins­son, Sölvi Geir Ottesen fyr­irliði, Ragn­ar Sig­urðsson, Bjarni Ólaf­ur Ei­ríks­son - Rúrik Gísla­son, Kári Árna­son, Eggert G. Jóns­son, Emil Hall­freðsson - Birk­ir Bjarna­son, Gylfi Þór Sig­urðsson.

Vara­menn: Har­ald­ur Björns­son, Birk­ir Már Sæv­ars­son, Indriði Sig­urðsson, Jó­hann Berg Guðmunds­son, Hjört­ur Logi Val­g­arðsson, Aron Ein­ar Gunn­ars­son, Al­freð Finn­boga­son, Pálmi Rafn Pálma­son.