Gunnlaugur tryggði Íslendingum stig
Oliver Sigurjónsson var í íslenska liðinu í kvöld.
mbl.is/Ómar
Setja bókamerki
Íslenska U17 ára landslið karla í knattspyrnu gerði í kvöld 2:2 jafntefli við Dani í fyrsta leik sínum í milliriðli Evrópumótsins en riðillinn er leikinn í Skotlandi.
Daði Bergsson, Þrótti Reykjavík, og Gunnlaugur Birgisson, úr Breiðabliki sem gengur í raðir Club Brügge í sumar, skoruðu mörk íslenska liðsins sem jafnaði tvívegis metin en Gunnlaugur tryggði Íslendingum stig þegar hann skoraði á 75. mínútu, þremur mínútum eftir að hafa komið inná sem varamaður.
Í hinum leik riðilsins höfðu Skotar betur gegn Litháum, 1:0.
Íslensku strákarnir mæta Skotum á fimmtudaginn og gegn Litháum á sunnudaginn en efsta þjóðin vinnur sér keppnisréttinn í úrslitakeppnina sem fram fer í Slóveníu í sumar.
Íslendingar vanir að klæða sig vel
Máttu ekki auglýsa „mesta úrvalið“ og „besta verðið“
Gular viðvaranir í dag og á morgun
Auðlindagjaldið hljómar vel
Innanlandsflug liggur niðri
„Umferðin greinilega að þyngjast“