Kemst U21 ára liðið úr botnsætinu?

Íslenska U21 árs landsliðið í knattspyrnu verður í eldlínunni í undankeppni EM í knattspyrnu í kvöld en þá etur það kappi við Aserbaídsjan. Leikurinn fer fram á KR-vellinum og hefst klukkan 19.15.

Strákunum hans Eyjólfs Sverrissonar hefur ekki gengið sem skyldi í keppninni en íslenska liðið er með þrjú stig eftir fimm leiki og er í neðsta sæti, stigi á eftir Aserum sem höfðu betur í fyrri leiknum í Bakú í febrúar, 1:0.

Miðaverð á leikinn er 1.000 krónur fyrir fullorðna en frítt er inn fyrir 16 ára og yngri. Einnig er frítt inn fyrir öryrkja og ellilífeyrisþega og geta þeir framvísað viðeigandi skírteinum við innganginn.

• 1 blogg um fréttina

Bloggað um fréttina

• Torfi Kristján Stefánsson: Er leyndarmál hvernig liðið er skipað?