Kolbeinn skoraði tvö í fyrsta sigri Lagerbäcks

Kol­beinn Sigþórs­son skoraði bæði mörk Íslands þegar það vann Fær­eyj­ar, 2:0, í vináttu­lands­leik á Laug­ar­dals­vell­in­um í kvöld. Þetta er fyrsti sig­ur Sví­ans Lars Lag­er­bäck sem þjálf­ari ís­lenska liðsins.

Leik­ur­inn byrjaði afar ró­lega og það hafði afar lítið gerst fram að mark­inu sem Kol­beinn skoraði á 30. mín­útu.

Jó­hann Berg Guðmunds­son gaf bolt­ann fyr­ir markið en hann fór af varn­ar­manni gest­anna og hátt upp í loftið. Kol­beinn gerði vel í að stíga úr varn­ar­mann­inn sinn í teign­um og skoraði með viðstöðulausu skoti, 1:0.

Eft­ir markið vaknaði ís­lenska liðið og fór að spila ágæt­is fót­bolta það sem eft­ir lifði fyrri hálfleiks en staðan í hálfleik, 1:0.

Seinni hálfleik­ur byrjaði fjör­lega og átti Jó­hann Berg Guðmunds­son skot í sam­skeyt­in af stuttu færi. Af slánni barst bolt­inn á Birki Má Sæv­ars­son sem þrumaði á markið en Gunn­ar Niel­sen varði í horn.

Það var fátt um fína drætti hjá ís­lenska liðinu eft­ir þetta og voru Fær­ey­ing­arn­ir nær því að jafna en ís­lensku strák­arn­ir að bæta við.

Jóan Ed­munds­son átti skot í stöng úr dauðafæri í teign­um fyr­ir Fær­eyj­ar og þá skaut Finn­ur Just­inius­sen fram­hjá af markteig. Íslend­ing­ar heppn­ir þar.

Eiður Smári Guðjohns­sen og Grét­ar Rafn Steins­son spiluðu báðir tutt­ugu mín­út­ur og minntu á sig.

Grét­ar lagði ein­mitt upp seinna mark Íslands á 90. mín­útu með góðri fyr­ir­gjöf frá hægri en Kol­beinn Sigþórs­son kláraði færið sitt vel. Hann er bú­inn að skora 8 mörk í 11 lands­leikj­um. Loka­töl­ur, 2:0.

Nán­ar verður fjallað um leik­inn í Morg­un­blaðinu í fyrra­málið en mynd­bandsviðtöl koma inn á mbl.is seinna í kvöld.

Lið Íslands: (4-4-2) Mark: Gunn­leif­ur Gunn­leifs­son. Vörn: Birk­ir Már Sæv­ars­son, Kári Árna­son, Ragn­ar Sig­urðsson, Bjarni Ólaf­ur Ei­ríks­son. Miðja: Rúrik Gísla­son, Aron Ein­ar Gunn­ars­son, Gylfi Þór Sig­urðsson, Jó­hann Berg Guðmunds­son. Sókn: Birk­ir Bjarna­son, Kol­beinn Sigþórs­son.
Vara­menn: Hann­es Þór Hall­dórs­son, Ingvar Jóns­son, Indriði Sig­urðsson, Eggert Gunnþór Jóns­son, Grét­ar Rafn Steins­son, Helgi Val­ur Daní­els­son, Al­freð Finn­boga­son, Arn­ór Smára­son, Eiður Smári Guðjohnsen, Ari Freyr Skúla­son. 

Lið Fær­eyja: (4-3-3) Mark: Jákup Mikk­el­sen. Vörn: Jón­as Þór Næs, Rógvi Bald­vins­son, Od­m­ar Færø, Pól Jó­hannus Just­in­us­sen. Miðja: Fróði Benjam­insen, Hall­ur Hans­son, Christian Lam­hauge Holst. Sókn: Daniel Udsen, Sím­un Ed­munds­son, Sím­un Samu­el­sen.
Vara­menn: Gunn­ar Niel­sen, Kristian Joen­en, Finn­ur Just­inius­sen, Bogi Lök­in, Hjall­grím Eltör, René Joen­sen, Pæt­ur Dam Jac­ob­sen, Joh­an T. Dav­idsen.

Ísland	2:0	Fær­eyj­ar	Opna lýs­ingu Loka
90. mín. Leik­ur­inn er að fjara út. Ísland er að landa sín­um fyrsta sigri und­ir stjórn Lars Lag­er­bäck en frammistaðan hef­ur þó ekki verið neitt sér­stök.
Kolbeinn Sigþórsson (30. mín.) Kolbeinn Sigþórsson (90. mín.) Mörk Birkir Bjarnason (26. mín.) Spjöld Fróði Benjaminsen (26. mín.) Pætur Dam Jacobsen (84. mín.) mín. 90 Leik lokið Íslenskur sigur. Sá fyrsti hjá Lagerbäck. 90 MARK! Kolbeinn Sigþórsson (Ísland) skorar Staðan er 2:0. Grétar Rafn með flotta fyrirgjöf frá hægri og Kolbeinn skorar auðveldlega af markteig. Flottur undirbúningur hjá Grétari. 90 Leikurinn er að fjara út. Ísland er að landa sínum fyrsta sigri undir stjórn Lars Lagerbäck en frammistaðan hefur þó ekki verið neitt sérstök. 89 Glæsileg mæting í dag. 7.256 áhorfendur eru mættir. 84 Pætur Dam Jacobsen (Færeyjar) fær gult spjald Fyrir brot. 84 Odmar Færö (Færeyjar) á skot framhjá 83 Færeyjar fær hornspyrnu 83 Færeyjar fær hornspyrnu 81 Arnór Smárason (Ísland) kemur inn á 81 Rúrik Gíslason (Ísland) fer af velli 80 Bogi Lökin (Færeyjar) kemur inn á 80 Daniel Udsen (Færeyjar) fer af velli 78 Kári Árnason nær föstum skalla í stöng eftir hornspyrnu frá Ara Frey en dómarinn dæmir aukaspyrnu. Það var nákvæmlega ekkert að þessu. Dómarinn ekki verið góður. 77 Ísland fær hornspyrnu 74 Það má ekki snerta Færeyingana þá eru þeir fallnir í grasið og biðja um aðhlynningu. Þetta er orðið ansi þreytandi. 74 Alfreð Finnbogason, sem hefur verið sjóðheitur með Helsingborg í Svíþjóð, situr enn á varamannabekknum. 71 René Joensen (Færeyjar) kemur inn á Mikið af skiptingum núna. 71 Jónas Tór Næs (Færeyjar) fer af velli 70 Finnur Justinussen (Færeyjar) á skot framhjá Algjört dauðafæri. Skýtur yfir á markteig eftir fyrirgjöf frá hægri. Það er bara tímaspursmál hvenær Færeyingar jafna ef íslensku strákarnir fara ekki að rífa sig í gang. 69 Eiður Smári fær dúndrandi lófatak frá stuðningsmönnum Íslands og ekki er það minna fyrir Grétar. 69 Eiður Smári Guðjohnsen (Ísland) kemur inn á 69 Jóhann Berg Guðmundsson (Ísland) fer af velli 69 Grétar Rafn Steinsson (Ísland) kemur inn á 69 Birkir Már Sævarsson (Ísland) fer af velli 69 Ari Freyr Skúlason (Ísland) kemur inn á 69 Bjarni Ólafur Eiríksson (Ísland) fer af velli 65 Pætur Dam Jacobsen (Færeyjar) kemur inn á 65 Símun Samuelsen (Færeyjar) fer af velli 65 Finnur Justinussen (Færeyjar) kemur inn á 65 Jóan Símun Edmundsson (Færeyjar) fer af velli 63 Jóan Símun Edmundsson (Færeyjar) á skot í stöng Besta færi Færeyinga. Edmundsson á skot í stöngina en Gunnleifur nær að halda boltanum. Þarna munaði litlu. 58 Birkir Bjarnason (Ísland) á skalla sem fer framhjá Skalli yfir eftir hornið. 57 Ísland fær hornspyrnu 57 Jóhann Berg Guðmundsson (Ísland) á skot sem er varið Jóhann Berg með fast skot beint á markið sem Gunnar, sem er hálfur Íslendingur, ver í horn. 51 Ísland fær hornspyrnu Ekkert verður úr hornspyrnunni. 51 Birkir Már Sævarsson (Ísland) á skot sem er varið Af slánni berst boltinn út í teig á Birki Má Sævarsson sem hamrar á markið en Gunnar Nielsen sem er kominn í markið ver í horn. 51 Jóhann Berg Guðmundsson (Ísland) á skot í þverslá Fær boltann á fjærstöng og hamrar boltann í slánna. 46 Leikur hafinn Gylfi Þór Sigurðsson ber nú fyrirliðaband Íslands. 46 Gunnar Nielsen (Færeyjar) kemur inn á 46 Jákup Mikkelsen (Færeyjar) fer af velli 46 Eggert Gunnþór Jónsson (Ísland) kemur inn á 46 Aron Einar Gunnarsson (Ísland) fer af velli 46 Indriði Sigurðsson (Ísland) kemur inn á 46 Ragnar Sigurðsson (Ísland) fer af velli 45 Heimir Hallgrímsson, aðstoðarlandsliðsþjálfari, segir í viðtali við RÚV að Aron Einar Gunnarsson og Ragnar Sigurðsson fara af velli í hálfleik. Eggert mun koma inn á miðjuna og Indriði Sigurðsson í vörnina. 45 Það gerðist nánast ekkert til að byrja með í þessum leik en eftir markið snarskánaði leikur íslenska liðsins sem hefur átt fínar sóknir seinni hluta fyrri hálfleiks. 45 Hálfleikur 45 Hallur Hansson (Færeyjar) á skot framhjá Langskot langt framhjá. 41 Kolbeinn Sigþórsson (Ísland) á skalla sem fer framhjá Rúrik með fyrirgjöf og Kolbeinn með skallann á nærstöng, rétt framhjá. 36 Rúrik Gíslason (Ísland) á skot framhjá Þrumuskot yfir. 33 Rúrik Gíslason (Ísland) á skot framhjá Miklu betra hjá Íslandi. Rúrik skýtur framhjá úr fínu færi í teignum. 32 Færeyjar fær hornspyrnu Ekkert verður úr hornspyrnunni. 32 Christian L. Holst (Færeyjar) á skot sem er varið Fín sókn hjá Færeyjum og gott færi en boltinn fer framhjá. Dómarinn segir að Gunnleifur hafi varið í horn. 31 Þetta er sjöunda mark Kolbeins í ellefu landsleikjum. Það er ágætis árangur. Eiður Smári hefur skorað 24 mörk í 67 landsleikjum. 30 MARK! Kolbeinn Sigþórsson (Ísland) skorar Staðan er 1:0. Jóhann Berg gefur fyrir markið en boltinn fer af varnarmanni og hátt upp í loftið. Kolbeinn stígur út varnarmann Færeyja og skorar með viðstöðulausu skoti. Glæsilegt mark. 28 Ísland fær hornspyrnu 26 Fróði Benjaminsen (Færeyjar) fær gult spjald Fyrir átök við Birki Bjarnason. 26 Birkir Bjarnason (Ísland) fær gult spjald Fyrir átök við Fróða Benjaminsen. 24 Gylfi Þór Sigurðsson (Ísland) á skot framhjá Góð sókn hjá Íslandi. Endar með skoti frá Gylfa fyrir utan teig sem hann skrúfar rétt framhjá markinu. 20 Kolbeinn sendir Birki Bjarnason inn fyrir með fallegum skalla en Birkir er dæmdur rangstæður. Í sjónvarpinu séstt að það er kolrangur dómur. Birkir var einn á móti markverði. 16 Hallur Hansson (Færeyjar) á skalla sem fer framhjá Fyrrverandi Valsmaðurinn Pól Jóhannus með fyrirgjöf sem Hallur Hansson skallar framhjá. 13 Íslensku strákarnir eru að halda boltanum vel þessa stundina. Þeir bíða eftir færi til að brjóta vörn gestanna á bak aftur. Skemmtanagildið er aftur á móti lítið enn sem komið er. 7 Birkir Bjarnason (Ísland) á skalla sem fer framhjá Jóhann Berg með flotta fyrirgjöf frá vinstri. Birkir klárar hlaupið sitt inn í teiginn og nær ágætum skalla en hann fer yfir. 6 Afar tíðindalitlar upphafsmínútur. 5 Jóan Símun Edmundsson (Færeyjar) á skot sem er varið Laflaust langskot. 4 Færeyjar fær hornspyrnu 1 Leikur hafinn Ísland leikur í átt að Laugardalshöllinni en Færeyingar í átt að Laugardalslauginni. 0 Þá eru þjóðsöngvar þjóðanna að baki. Nú getur fyrsti heimaleikur Lars Lagerbäck hafist. 0 Liðin eru að ganga inn á völlinn. Fyrirliðinn Aron Einar Gunnarsson fer fyrir íslenska liðinu. 0 Byrjunarlið Íslands hefur spilað samtals 199 landsleiki en varamannabekkurinn á að baki 234 landsleiki. Á bekknum eru líka Indriði Sigurðsson (61 leikur), Grétar Rafn (42 leikir) og Eiður Smári (67 leikir). Leikjahæstir í byrjunarliðinu eru Birkir Már Sævarsson og Aron Einar Gunnarsson sem báðir hafa spilað 28 leiki fyrir Ísland. 0 Bæði lið eru mætt út á völl að hita upp. Það viðrar vel til knattspyrnuiðkunnar í Laugardalnum og áhorfendur eru nú þegar byrjaðir að koma sér fyrir. 0 Það er ein breyting á byrjunarliðinu sem fótbolti.net birti langt á undan KSÍ. Gunnleifur Gunnleifsson er í markinu en ekki Hannes Þór Halldórsson. 0 Lars Lagerbäck, þjálfari Íslands, sagði á blaðamannafundi á mánudaginn að það væri alls ekkert öruggt að Grétar og Eiður kæmu inná. Aðallega valdi hann þá í hópinn til að sjá þá á æfingum. 0 Það hefði þótt undarlegt fyrir nokkrum árum að sjá Grétar Rafn Steinsson og Eið Smára Guðjohnsen á varamannabekk Íslands en sú er raunin í dag. Grétar heldur þó treyjunúmeri sínu en Kolbeinn Sigþórsson er í níunni sem Eiður Smári hefur vanalega klæðst. Eiður er númer 22 í dag. 0 Byrjunarliðin eru klár en þau má lesa í fréttinni hér að ofan. 0 Markvörðurinn Gunnar Nielsen er þriðji markvörður ensku meistaranna Manchester City og gerði þar nýjan samning í vor. Hann er hálfur Íslendingur en móðir hans er frá Siglufirði. Hinn markvörðurinn, Jákup Mikkelsen, verður 42 ára á morgun og hefur verið aðalmarkvörður Færeyinga um árabil, eða síðan Jens Martin Knudsen, fyrrum leikmaður og þjálfari Leifturs, lagði hanskana á hilluna. 0 Jónas Tór Næs, bakvörður úr Val, er í færeyska liðinu, og þar eru einnig þrír fyrrum leikmenn íslenskra liða. Pól Justinussen sem lék með Val í fyrra, Símun Samuelsen sem lék með Keflavík í nokkur ár og Fróði Benjaminsen sem spilaði með Fram. 0 Ísland hefur sjaldan teflt fram sínu sterkasta liði gegn Færeyjum. Síðast var það árið 2003 þegar liðin mættust í undankeppni EM en það eru einu mótsleikir þjóðanna. Ísland vann báða leikina naumlega, báða 2:1. Á Laugardalsvellinum skoraði Tryggvi Guðmundsson sigurmarkið á síðustu mínútunni og í Þórshöfn skoraði Pétur Marteinsson sigurmarkið eftir að Eiður Smári Guðjohnsen hafði komið Íslandi yfir snemma leiks. 0 Ísland og Færeyjar hafa mæst í 23 A-landsleikjum til þessa. Ísland hefur unnið 21 leik og Færeyjar einn og einu sinni hefur orðið jafntefli. Færeyingar unnu fyrsta sigurinn í næstsíðasta leik, í vináttuleik í Kórnum í mars 2009, þegar þeir unnu 2:1. Sjá meira Sjá allt Ísland: (M), . Varamenn: (M), . Færeyjar: (M), . Varamenn: (M), . Skot: Færeyjar 7 (3) - Ísland 11 (5) Horn: Færeyjar 4 - Ísland 4. Lýsandi: Völlur: Laugardalsvöllur Áhorfendafjöldi: 7.256 Leikur hefst 15. ágú. 2012 19:45 Aðstæður: Dómari: Laurent Kopriwa, Lúxemborg Aðstoðardómarar: Antonio De Carolis, Claudio De Carolis, Lúxemborg

• 2 blogg um frétt­ina

Bloggað um frétt­ina

• Sig­urður Þor­steins­son: Arfaslak­ur leik­ur!
• Torfi Kristján Stef­áns­son: Slak­ur leik­ur