Indriði ekki með gegn Noregi og Kýpur

Indriði Sigurðsson, landsliðsmaður í knattspyrnu og leikmaður norska úrvalsdeildarliðsins Viking, verður frá æfingum og keppni næstu 6-8 vikurnar að því er fram kemur á vef norska liðsins í dag.

Indriði meiddist á hné í viðureign Viking og Rosenborg um síðustu helgi. Hann náði þó að klára leikinn en kenndi sér meins eftir hann og nú er komið í ljós að hann verður frá knattspyrnuiðkun næstu vikurnar.

Þetta þýðir að hann missir af leikjum íslenska landsliðsins gegn Norðmönnum og Kýpur í undankeppni HM sem fram fara 7. og 11. september.

• 1 blogg um fréttina

Bloggað um fréttina

• Torfi Kristján Stefánsson: Einum valkosti færra fyrir Lars!