Íþróttir | Fótbolti | mbl | 3.9.2012 | 10:43 | Uppfært 16:36

Eyjólfur gerir breytingar á U21 árs liðinu

Emil Atlason er í hópnum. mbl.is

Eyjólfur Sverrisson, landsliðsþjálfari U21 árs liðs karla í fótbolta, hefur valið hópinn sem mætir Belgíu ytra í undankeppni EM næsta mánudag. Þetta er síðasti leikur Íslands í riðlinum.

Níu leikmenn eru í hópnum sem hafa ekki spilað fyrir U21 árs landsliðið en Eyjólfur virðist ætla að gefa nýjum mönnum tækifæri. Í hópinn vantar fastamenn á borð við Björn Daníel Sverrisson og Rúnar Má Sigurjónsson.

Rúnar Alex Rúnarsson, 17 ára markvörður KR og sonur Rúnars Kristinssonar, er í hópnum ásamt Árna Snæ Ólafssyni, markverði ÍA.

Íslenska liðið hefur átt afleitu gengi að fagna í riðlinum en eftir að vinna Belgíu í fyrsta leik hafa síðustu sex leikir tapast.

Markverðir:
Árni Snær Ólafsson, ÍA
Rúnar Alex Rúnarsson, KR

Varnarmenn:
Eiður Aron Sigurbjörnsson, Örebro
Hólmar Örn Eyjólfsson, Bochum
Davíð Ásbjörnsson, Fylkir
Einar Karl Ingvarsson, FH
Sverrir Ingi Ingason, Breiðabliki
Hörður Björgvin Magnússon, Juventus

Miðjumenn:
Guðlaugur Victor Pálsson, NEC
Guðmundur Þórarinsson, ÍBV
Jón Daði Böðvarsson, Selfoss
Hólmbert Aron Friðjónsson, Fram
Andri Rafn Yeoman, Breiðabliki
Andri Adolphsson, ÍA
Arnór Ingvi Traustason, Sandnes

Sóknarmenn:
Aron Jóhannsson, AGF
Emil Atlason, KR
Kristinn Steindórsson, Halmstad