Aron hækkar í verði og fær betri samning

Mark­heppni Arons Jó­hanns­son­ar fyr­ir danska knatt­spyrnuliðið AGF virðist ætla að skila hon­um betri samn­ingi fljótt og vel, miðað við það sem íþrótta­stjóri fé­lags­ins, Bri­an Steen Niel­sen seg­ir.

„Ég er ný­bú­inn að hafa sam­band við umboðsmann Arons og segja hon­um að ég sé samþykk­ur því að hann hækki í laun­um. Við höf­um það alltaf þannig hér í AGF að góðir leik­menn fá það sem þeir verðsklda. Við erum komn­ir í viðræður um fram­leng­ingu á samn­ingi og ég vona að það komi fljót­lega eitt­hvað út úr því,“ seg­ir Niel­sen við Sporten.dk.

Aron er marka­hæst­ur í dönsku úr­vals­deild­inni með 9 mörk í 9 leikj­um en þar af hef­ur hann gert 8 mörk í síðustu þrem­ur leikj­un­um. Ljóst er að með þeim hef­ur hann hækkað verðgildi sitt veru­lega.

„Leikmaður sem skor­ar svona mörg mörk verður alltaf mik­ils virði ef hann er seld­ur. Hann hef­ur tekið stór­kost­leg­um fram­förum og menn skulu muna að við fund­um hann í næ­stefstu deild á Íslandi. Hann hef­ur því gert það gott,“ seg­ir Niel­sen.

„Ég læt umboðsmann­inn minn um samn­ingaviðræðurn­ar. Ég reyni bara að ein­beita mér að fót­bolt­an­um og skora mörk. En ég er mjög ánægður hér,“ seg­ir Aron við Sporten.dk.

• 1 blogg um frétt­ina

Bloggað um frétt­ina

• Torfi Kristján Stef­áns­son: Mynd­band af mörk­um Arons