Guðbjörg, Þóra og Elísabet tilnefndar

Landsliðsmarkverðirn­ir Þóra B. Helga­dótt­ir og Guðbjörg Gunn­ars­dótt­ir eru til­nefnd­ar sem tveir af fjór­um bestu markvörðum sænsku úr­vals­deild­ar­inn­ar fyr­ir loka­hóf sænska knatt­spyrnu­sam­bands­ins í næsta mánuði.

Þóra, sem ver mark meist­ar­anna í Mal­mö, og Guðbjörg, sem er fyr­irliði og markvörður Djurgår­d­en, keppa þar við sænsku landsliðsmarkverðina Hed­vig Lindahl hjá Kristianstad og Krist­in Hamm­arström hjá Gauta­borg en ein af þess­um fjór­um verður heiðruð sem markvörður árs­ins í Svíþjóð.

Elísa­bet Gunn­ars­dótt­ir, þjálf­ari Kristianstad, er ein af þeim fjór­um þjálf­ur­um í deild­inni sem til­nefnd­ir eru sem þjálf­ari árs­ins. Þar kepp­ir hún við fjóra karl­menn um titil­inn en það eru Peter Mo­berg hjá Mal­mö, Thom­as Märtens­son og Ulf Palmquist sem stýra liði Vitt­sjö í sam­ein­ingu, og Tor­björn Nils­son, gamla landsliðshetju Svía, sem þjálf­ar lið Gauta­borg­ar. vs@mbl.is