Skora ef ég fæ að spila

„Þetta tíma­bil gekk al­veg ótrú­lega vel og það er virki­lega gam­an hvað þetta hélt út bæði hjá mér og liðinu. Það voru all­ir að spá okk­ur í fall­bar­áttu en við sönnuðum held­ur bet­ur að við erum betri en þess­ir sér­fræðing­ar héldu,“ seg­ir landsliðsfram­herj­inn Gunn­ar Heiðar Þor­valds­son í viðtali við Morg­un­blaðið en lið hans Norr­köp­ing blés á hrak­spár og endaði tíma­bilið í sænsku úr­vals­deild­inni í knatt­spyrnu sem lauk í fyrra­dag í fimmta sæti.

„Við vor­um í efri hlut­an­um í allt sum­ar og að enda í fimmta sæti, sjö stig­um á eft­ir toppliðinu, er virki­lega gott og ef­laust ein­hvers­kon­ar met. Efstu sex liðin skera sig svo­lítið úr og við erum hluti af þeim pakka. Við viss­um að við vor­um með svona gott lið en vor­um ekk­ert að flagga því fyr­ir mót,“ seg­ir Gunn­ar Heiðar.

Gunn­ar Heiðar skoraði sig­ur­mark Norr­köp­ing í lokaum­ferðinni í gær gegn Mjäll­by en það var 17. mark hans í deild­inni. Hann endaði næst­marka­hæst­ur, sjö árum eft­ir að hann varð markakóng­ur í deild­inni með Halmstad. Það var ein­mitt þjálf­ari hans hjá Halmstad sem sótti Gunn­ar til Vest­manna­eyja í fyrra­vor þegar hann var bú­inn að semja við ÍBV og ætlaði að spila í Pepsi-deild­inni hér heima.

„Ég kom heim eft­ir erfið ár í Es­bjerg og ákvað að byrja upp á nýtt. En svo kom þetta upp með Norr­köp­ing þar sem fyrr­ver­andi þjálf­ar­inn minn hjá Halmstad er. Ég neitaði hon­um þris­var til fjór­um sinn­um en hann hætti ekki að tuða karl­inn og maður þakk­ar hon­um fyr­ir það í dag. Ég ákvað að slá til og kom rétt fyr­ir mót í fyrra. Þá hafði ég ekki spilað lengi eft­ir tím­ann í Es­bjerg og hafði lítið æft,“ seg­ir Gunn­ar Heiðar.

Sjá allt viðtalið við Gunn­ar Heiðar í Morg­un­blaðinu í dag.

• 1 blogg um frétt­ina

Bloggað um frétt­ina

• Torfi Kristján Stef­áns­son: Landsliðsfram­herj­inn?