Heiðar Geir í Árbæinn?

Knattspyrnumaðurinn Heiðar Geir Júlíusson gæti verið á heimleið úr atvinnumennsku í Svíþjóð en Árbærinn er líklegasti áfangastaður miðjumannsins.

Áður hafði komið fram í dönskum miðlum að dönsku liðin Bröndby og Köge hefðu áhuga á Heiðari en samkvæmt heimildum Morgunblaðsins gæti hann nú verið á leið í Fylki.

Heiðar Geir hefur leikið með Ängelholm í Svíþjóð undanfarin þrjú ár. Hann fór vel af stað í B-deildinni á síðasta tímabili og skoraði fimm mörk í tíu leikjum liðsins en varð svo fyrir meiðslum og gat lítið spilað í seinni umferðinni.

Heiðar er uppalinn Framari sem hóf að leika með meistaraflokki 2004. Hann á að baki 85 leiki í efstu og næstefstu deild með Fram og skoraði hann 9 mörk í þeim leikjum. Hann lék einnig með Hammarby í Svíþjóð 2007. tomas@mbl.is