Alfreð með tvö og Aron eitt
Alfreð Finnbogason skoraði tvö mörk í dag og er kominn með átta mörk í deildinni.
Ljósmynd/Heerenveen FC
Setja bókamerki
Alfreð Finnbogason skoraði tvö mörk fyrir Heerenveen og Aron Jóhannsson eitt fyrir AZ Alkmaar í sigurleikjum sinna liða í hollensku úrvalsdeildinni í dag.
Heerenveen, lið Alfreðs, mætti FC Groningen á heimavelli sínum. Leiknum lauk með 4:2-sigri Heerenveen og skoraði Alfreð tvö síðustu mörk liðsins, það fyrra úr vítaspyrnu. Alfreð er nú kominn með átta mörk í fimm leikjum í deildinni.
Aron Jóhannsson var í byrjunarliði AZ Alkmaar og Jóhann Berg Guðmundsson spilaði síðustu tólf mínúturnar þegar AZ sigraði Go Ahead Eagles örugglega, 3:0. Aron var á skotskónum og skoraði fyrsta mark leiksins úr vítaspyrnu í fyrri hálfleik.
Heerenveen komst með sigrinum upp í þriðja sæti deildarinnar með ellefu stig en AZ Alkmaar er í því sjötta með tíu.
Litlar líkur á að hraunið nái til mannvirkja
Þarf að koma til móts við ólíkar þarfir lækna
Drónamyndskeið frá hápunkti gossins í nótt
Rússar sagðir útvega N-Kóreu milljón olíutunnur
/frimg/1/53/7/1530787.jpg)
Flogið á milli ljósaskipta
„Höfum sloppið bærilega með skaða af þessu gosi“
Viðræður ekkert þokast frá því á þriðjudag