Lagerbäck hættir alveg í boltanum
Setja bókamerki
Lars Lagerbäck, landsliðsþjálfari Íslands í knattspyrnu karla, mun hætta þjálfun eftir Evrópumeistaramótið í Frakklandi árið 2016. Einnig mun íslenska landsliðið verða síðasta liðið sem hann þjálfar. Kemur þetta fram í frétt Aftonbladet í Svíþjóð.
Lagerbäck sagði að hann yrði þá frekar gamall og gæti viljað gera eitthvað annað í lífinu en að vera í kringum knattspyrnu.
Hann þjálfaði sænska landsliðið frá 2000 - 2009 og fór með liðið á fimm stórmót í röð. Síðan þjálfaði hann Nígeríu á HM í Suður-Afríku árið 2010 og tók svo við íslenska landsliðinu árið 2012. Árangurinn þar hefur verið glæsilegur og stefnir liðið á að komast á sitt fyrsta stórmót næsta sumar í Frakklandi.
Lagerbäck útilokar samt ekki að taka við öðru liði eftir að hann hættir með það íslenska, þó hann telji það ólíklegt. Ef eitthvert áhugavert verkefni komi í hendurnar á honum þegar hann hætti þjálfun íslenska liðsins sé aldrei að vita.
Fullvissa ferðamenn um að hér sé öruggt
Viðræður ekkert þokast frá því á þriðjudag
Nýtt fangelsi í landi Stóra-Hrauns tilbúið 2028
Reiðubúin að aflýsa verkföllum í fjórum leikskólum
„Höfum sloppið bærilega með skaða af þessu gosi“
Hentugt gos fyrst gýs á annað borð
Yfir 300 stæði fóru undir hraun