Íþróttir | Fótbolti | mbl | 16.6.2015 | 23:33 | Uppfært 17.6.2015 0:54

Kamerún skellti Sviss og komst áfram

Stuðningsmenn Kamerún fögnuðu innilega í Edmonton í kvöld.
Stuðningsmenn Kamerún fögnuðu innilega í Edmonton í kvöld. AFP

Lið Kamerún kom skemmtilega á óvart í kvöld með því að sigra Sviss, 2:1, í lokaumferð C-riðils heimsmeistaramóts kvenna í knattspyrnu í Edmonton í Kanada. Kamerún tryggði sér þar með annað sæti riðilsins sem Sviss hefði náð með jafntefli.

Heimsmeistarar Japans unnu Ekvador 1:0 og fengu 9 stig í riðlinum, Kamerún fékk 6, Sviss 3 en Ekvador ekkert. Japan, Kamerún og Sviss fara öll áfram í 16-liða úrslit. Sviss er öruggt, vegna markatölu, með að verða fyrir ofan að minnsta kosti tvö lið sem enda í þriðja sæti riðlanna og það nægir.

Tap Sviss þýddi ennfremur að Holland er komið í 16-liða úrslitin eftir að hafa hafnað í þriðja sæti í A-riðli keppninnar.

Sviss, sem sló Ísland út í undankeppninni, virtist á góðri leið þegar Ana Crnogorcevic skoraði á 24. mínútu og staðan var 1:0 í hálfleik. Gabrielle Onguene jafnaði fyrir Kamerún í byrjun síðari hálfleiks og lagði svo upp sigurmarkið fyrir Madeleine Ngono á 62. mínútu.

Japan lenti í merkilega miklu basli með lið Ekvadors sem hafði fengið á sig sextán mörk gegn Sviss og Kamerún. Yuki Ogimi, leikmaður Wolfsburg í Þýskalandi, skoraði eina markið strax á 5. mínútu en leikur liðanna fór fram í Winnipeg.

Nú liggur fyrir að Kína og Kamerún munu mætast í 16-liða úrslitum keppninnar en það er eina viðureignin sem er komin alveg á hreint þar.

Frammistaða Kamerún vekur athygli á Twitter, á Íslandi sem annar staðar:

mbl.is

Bloggað um fréttina

Fleira áhugavert
Flogið á milli ljósaskipta Hluti bílastæðis undir hraun: Ómögulegt að meta tjón Litlar líkur á að hraunið nái til mannvirkja Hópur fólks reyndi að komast að eldgosinu
Fleira áhugavert
Drónamyndskeið frá hápunkti gossins í nótt Flogið á milli ljósaskipta Litlar líkur á að hraunið nái til mannvirkja Sólveig Anna furðar sig á aðferðum kennara