Frábær endurkoma Kára og félaga
Setja bókamerki
Kári Árnason og félagar hans í Malmö eru komnir áfram í umspil um sæti í Meistaradeild Evrópu Malmö sigraði Salzburg 3:0 í Svíþjóð í kvöld í 3. umferð forkeppni Meistaradeildarinnar. Kári lék allan leikinn í vörn Malmö og stóð fyrir sínu.
Austurríkismennirnir sigruðu fyrri leikinn 2:0 og því ljóst að róðurinn gæti orðið þungur fyrir Kára og félaga. Þeir hófu leikinn af krafti og voru komnir í 2:0 eftir 14 mínútna leik en mörkin skoruðu Durdic og Rosenborg.
Heimamenn skoruðu þriðja mark þremur mínútum fyrir lok fyrri hálfleiks en þar var Rodic á ferðinni. Staðan í hálfleik því 3:0 og Malmö í góðum málum.
Gestirnir reyndu hvað þeir gátu til að skora í síðari hálfleik en allt kom fyrir ekki. Breytti engu þar um þó Adu, leikmaður Malmö, væri rekinn af velli á 64. mínútu eftir að hafa fengið tvö gul spjöld. Heimamenn fögnuðu sætum sigri og verða í pottinum þegar dregið verður í umspil riðlakeppninnar á föstudag.
Sendi nektarmyndir af dreng sem hann passaði
Heimildarmenn tala um hápólitískt drama
Vonir bundnar við morgundaginn
Hvatti kjósendur til þess að greiða ógild atkvæði
Fæðuöryggi: „Áttum mat í þrjár vikur“
Vinna hefst í dag við að reisa undirstöður