Haraldur upp í sænsku úrvalsdeildina

Haraldur Björnsson og félagar hans í Östersund tryggðu sér sæti í sænsku úrvalsdeildinni á næstu leiktíð eftir 1:1 jafntefli á útivelli við Syrianska í sænsku B-deildinni í kvöld.

Haraldur lék allan leikinn í marki Östersund, sem er í öðru sæti deildarinnar með 59 stig, stigi á eftir toppliði Jönköping. Liðið hefur hins vegar fjögurra stiga forskot á Sirius sem er í þriðja sæti og kemst því beint upp um deild.

Haraldur var lengst af varamarkvörður hjá Östersund á tímabilinu, en kom inní liðið í haust og  hefur spilað sjö leiki með liðinu í deildinni frá þeim tíma. Hann kom til félagsins fyrir rúmu ári síðan eftir að hafa spilað með norsku liðunum Strömmen, Sarpsborg og Fredrikstad

• 1 blogg um fréttina

Bloggað um fréttina

• Torfi Kristján Stefánsson: Mistök Haraldar næstum búin að kúðra úrvalsdeildarsætinu