Arnór Ingvi lagði upp mark í tapleik

Fjórir íslenskir leikmenn komu við sögu þegar Malmö lagði Norrköping að velli, 3:1, í opnunarleik sænsku úrvalsdeildarinnar í knattspyrnu karla í dag en þarna áttust við meistarar tveggja síðustu ára.

Arnór Ingi Traustason lagði upp mark Norrköping en meistararnir komumst yfir á 16. mínútu með marki frá Cristoffer Nyman. Staðan var 1:0 að loknum fyrri hálfleik en í þeim síðari gengu heimamenn í Malmö á lagið og skoruðu þrjú mörk.

Kári Árnason lék allan leikinn í hjarta varnarinnar hjá Malmö og Viðar Örn Kjartansson var í byrjunarliði Malmö, en var tekinn af velli á 77. mínútu leiksins. 

Jón Guðni Fjóluson og Arnór Ingvi Traustason léku allan leikinn fyrir Norrköping sem varð sænskur meistari 2015 en Malmö vann deildina árið 2014.

• 1 blogg um fréttina

Bloggað um fréttina

• Torfi Kristján Stefánsson: Arnór Ingvi með stoðsendingu