Dæmdur í leikbann fyrir leikaraskap

Skoski vængmaðurinn Jamie Walker sem leikur með skoska liðinu Hearts var á dögunum úrskurðaður í tveggja leikja bann fyrir háttsemi sína í leik liðsins um helgina. 

Aga- og úrskurðarnefnd skoska knattspyrnusambandsins mat það sem svo að Walker hefði sýnt leikræna tilburði þegar hann krækti í vítaspyrnu í 2:1 sigri liðsins gegn Celtic í fyrstu umferð skosku efstu deildarinnar í knattspyrnu karla um nýliðna helgi. 

Hearts hefur áfrýjað þessum úrskurði og málið verður tekið fyrir af dómstóli skoska knattspyrnusambandsins á fimmtudaginn. 

• 1 blogg um fréttina

Bloggað um fréttina

• Ómar Ragnarsson: Þarf að taka betur á leikaraskap.