Geir ekki sáttur við val á íþróttamanni ársins

Geir Þorsteinsson, fyrrverandi formaður KSÍ, var ekki sáttur við niðurstöðuna í kjöri á íþróttamanni ársins en kjörinu var lýst í hófi í Hörpu í kvöld.

Kylfingurinn Ólafía Þórunn Kristinsdóttir varð fyrir valinu sem íþróttamaður ársins þar sem hún hafði betur í baráttunni við knattspyrnumennina Aron Einar Gunnarsson og Gylfa Þór Sigurðsson sem höfnuðu í 2. og 3. sæti.

Geir skrifaði eftirfarandi texta á twittersíðu sína:

„Þetta gengur ekki lengur - þurfum að velja íþróttamann og íþróttakonu ársins - fá til verksins hundruð aðila sem til þekkja - knattspyrnumaður ekki valinn ÍMÁ 2017!!“

Þetta gengur ekki lengur - þurfum að velja íþróttamann og íþróttakonu ársins - fá til verksins hundruð aðila sem til þekkja - knattspyrnumaður ekki valinn ÍMÁ 2017 !!

— Geir Thorsteinsson (@FootballGeir) December 28, 2017

• Blogga um frétt