Rapinoe óvænt á bekknum

Megan Rapinoe byrjar óvænt á varamannabekknum hjá heimsmeisturum Bandaríkjanna í leiknum gegn Englendingum í undanúrslitum heimsmeistaramótsins í knattspyrnu en flautað verður til leiks í Lyon klukkan 19.

Rapinoe skoraði bæði mörk Bandaríkjanna í 2:1 sigrinum gegn gestgjöfum Frakka í átta liða úrslitunum um síðustu helgi og er hún markahæst ásamt fleiri á mótinu með fimm mörk. Christen Press tekur sæti Rapinoe í byrjunarliðinu.

Frétt af mbl.is

„Vinnur ekki titla án samkynhneigðra“

Phil Neville landsliðsþjálfari Englendinga gerir þrjár breytingar á byrjunarliði sínu frá 3:0 sigrinum gegn Norðmönnum. Carly Telford kemur í markið í stað Karen Bardsley sem á við meiðsli að stríða. Þá koma inn í liðið þær Rachel Daly og Beth Mead í stað þeirra Fran Kirby og Toni Duggan.

• 1 blogg um fréttina

Bloggað um fréttina

• Torfi Kristján Stefánsson: Allar þrjá lesbíurnar á bekknum hjá Kananum!