Til skammar hjá gestunum frá Ísrael

„Þessi úr­slit eru fyrst og fremst svekkj­andi,“ sagði Hall­dór Árna­son, þjálf­ari Breiðabliks, í sam­tali við mbl.is eft­ir 2:1-tap liðsins gegn Macca­bi Tel Aviv í B-riðli Sam­bands­deild­ar karla í knatt­spyrnu á Kópa­vogs­velli í dag.

„Ég er mjög stolt­ur af liðinu og fé­lag­inu fyr­ir að hafa staðið sig mjög vel í krefj­andi aðstæðum. Ég er því svekkt­ur en stolt­ur. Við byrjuðum þetta af krafti og heilt yfir þá spiluðum við leik­inn mjög vel all­an tím­ann. Við erum svekkt­ir að hafa ekki fengið neitt út úr hon­um en svona er þetta stund­um.

Heilt yfir hef­ur verið margt mjög gott í okk­ar leik í riðlakeppn­inni, kannski að und­an­skyld­um leikn­um út í Belg­íu sem var þó ekki alslæm­ur. Við lærðum hratt og vel af þeim leik og náðum fínni frammistöðu í heima­leikn­um gegn Gent. Við vor­um betri í dag og það er margt mjög já­kvætt sem við get­um tekið með okk­ur út úr leik dags­ins, þó hann hafi tap­ast,“ sagði Hall­dór.

Frétt af mbl.is

Blikar klauf­ar í síðasta heima­leikn­um

Hall­dór Árna­son, þjálf­ari Blika. Ljós­mynd/​Krist­inn Steinn

Tókst að loka á ytri aðstæður

Dan Bit­on kom Macca­bi Tel Aviv yfir á 35. mín­útu og fagnaði með því að hlaupa að vara­manna­bekk liðsins þar sem hann sótti stór­an ísra­elsk­an fána og veifaði hon­um í átt að stúk­unni.

Frétt af mbl.is

Mynd­ir: Fagnaði með ísra­elska fán­ann og allt varð vit­laust

„Okk­ur tókst að loka á all­ar ytri aðstæður ef svo má segja í und­ir­bún­ingi okk­ar fyr­ir leik­inn. Það að þeir skuli samt nota fót­bolta­leik til þess að koma sín­um póli­tísku skoðunum á fram­færi er al­gjör­lega til skamm­ar.

Að dóm­arat­eymið og UEFA hafi líka leyft þessu að viðgang­ast er líka til skamm­ar því þetta á ekk­ert skylt við fót­bolta. Það var því erfitt að halda áfram að úti­loka ytri aðstæður ef svo má segja eft­ir þenn­an gjörn­ing þeirra á vell­in­um,“ sagði Hall­dór í sam­tali við mbl.is.

Frétt af mbl.is

Mynd­ir: Mik­ill viðbúnaður lög­reglu í Kópa­vogi

Vikt­or Karl Ein­ars­son á fleygi­ferð í leikn­um í dag. mbl.is/​Krist­inn Magnús­son

• 1 blogg um frétt­ina

Bloggað um frétt­ina

• Wil­helm Em­ils­son: Frum­leg af­sök­un