Íþróttir | mbl | 28.12.2006 | 20:27 | Uppfært 23:00

Guðjón Valur íþróttamaður ársins 2006

Guðjón Valur með verðlaunagripinn, sem fylgir nafnbótinni. mynd/Arnaldur

Guðjón Valur Sigurðsson, handknattleiksmaður hjá Gummersbach í Þýskalandi, er íþróttamaður ársins 2006 að mati íþróttafréttamanna sem tilkynntu niðurstöðu kjörsins í hófi á Grand hóteli rétt í þessu. Eiður Smári Guðjohnsen, knattspyrnumaður hjá Barcelona, varð í öðru sæti, en hann varð fyrir valinu tvö síðustu árin. Handknattleiksmaðurinn Ólafur Stefánsson hjá Ciudad Real, varð í þriðja sæti.

Guðjón Valur fékk 405 atkvæði af 460 mögulegum. Félagsmenn í Samtökum íþróttafréttamanna velja Íþróttamann ársins ár hvert og er þetta í 51. sinn sem það er gert. Allir 23 félagsmenn tóku þátt í kjörinu sem er leynilegt og fer þannig fram að hver og einn raðar tíu íþróttamönnum niður og fær sá sem settur er í fyrsta sæti 20 stig, sá sem nætur kemur fær 15, sá í þriðja sæti 10, sá sem lendir í fjórða sæti fær 7 stig, sá í fimmta 6 og svo koll af kolli þannig að sá sem settur er í tíunda sætið fær eitt stig. Síðan eru stigin talin saman og mest var hægt að fá 460 stig.

Þau sem hlutu atkvæði voru:

Guðjón Valur Sigurðsson, handknattleikur

Guðjón Valur Sigurðsson, handknattleikur	405 stig
Eiður Smári Guðjohnsen, knattspyrna	333
Ólafur Stefánsson, handknattleikur	188
Birgir Leifur Hafþórsson, kylfingur	156
Margrét Lára Viðarsdóttir, knattspyrna	135
Örn Arnarson, sundmaður	90
Ásthildur Helgadóttir, knattspyrna	81
Auðunn Jónsson, lyftingar	72
Sif Pálsdóttir, fimleikar	70
Ragna Ingólfsdóttir, badminton	44
Helena Sverrisdóttir, körfuknattleikur	27
Dagný Linda Kristjánsdóttir, skíði	24
Ívar Ingimarsson, knattspyrna	10
Arnar Sigurðsson, tennis	10
Jón Arnór Stefánsson, körfuknattleikur	8
Logi Geirsson, handknattleikur	7
Vignir Hlöðversson, blak	6
Guðmundur Stephensen, borðtennis	4
Brenton Birmingham, körfuknattleikur	4
Þórarinn Eymundsson, knapi	3
Ólöf María Jónsdóttir, kylfingur	1
Logi Gunnarsson, handknattleikur	1