Spánverjinn Contador sigraði í Tour de France

Spánverjinn Alberto Contador hafði sigur í Tour de France, þekktustu hjólreiðakeppni heims, sem lauk í París í dag eftir að hafa staðið í þrjár vikur. Contador keppti í bandaríska Discovery-liðinu. Hann er 24 ára og yngsti sigurvegari í keppninni í tíu ár.

Contador var einungis 23 sekúndum á undan næsta manni, Ástralanum Cadel Evans, og er þetta næst minnsta forskot sem sigurvegari hefur nokkurn tíma haft í 104 ára sögu keppninnar.

Lengi framan af var allt útlit fyrir að Contador yrði í öðru sæti, á eftir Dananum Michael Rasmussen, en í síðustu viku var Rasmussen rekinn úr liðinu sem hann keppti fyrir þegar í ljós kom að hann hafði logið til um verustað sinn fyrir keppnina, og var talið að hann hefði gert það til að losna við lyfjaeftirlit.

• 1 blogg um fréttina

Bloggað um fréttina

• Birgir Þór Bragason: Ótrúlegt, sóðalegt og svindl