"Upplifun að láta tækla sig í tætlur"

Ólafur Halldór Torfason, tvítugur körfuknattleiksmaður frá Akureyri, var meðal leikmanna Appalachian State háskólaliðsins í amerískum fótbolta sem lagði lið Michigan á ævintýralegan hátt um fyrri helgi. Þá vörðu varnarmenn skólans í tvígang frá sparkara Michigan, meðal annars á lokasekúndu leiksins og náðu að sigra. Ólafur lék körfuknattleik með Þór frá Akureyri áður en hann hélt til náms í Bandaríkjunum en í ítarlegu viðtali við Skúla Unnar Sveinsson í Morgunblaðinu í dag segir Ólafur m.a. frá því hvernig það var að leika fyrir framan 110.000 áhorfendur.