Handboltinn gefur eftir

Vet­ur­inn 1985-1986 tóku 42 karla- og kvennalið þátt í deild­ar­keppni Hand­knatt­leiks­sam­bands Íslands en á síðustu 22 árum hafa 17 lið lagt upp laup­ana eða dregið sig í hlé. Á sama tíma hef­ur liðum í röðum Körfuknatt­leiks­sam­bands Íslands fjölgað um eitt á ári, en vet­ur­inn 1985-1986 voru sam­tals 27 lið skráð til leiks í karla- og kvenna­flokki í deild­ar­keppni KKÍ. Á leiktíðinni sem lauk fyr­ir skemmstu voru liðin 49 og hef­ur þeim fjölgað um 22.

Það vek­ur at­hygli að aðeins þrjú bæj­ar­fé­lög utan höfuðborg­ar­svæðis­ins sendu lið í deild­ar­keppni á síðustu leiktíð í hand­bolt­an­um; Ak­ur­eyri, Vest­manna­eyj­ar og Sel­foss.

Ein­ar Þor­varðar­son, fram­kvæmda­stjóri HSÍ, seg­ir að skort­ur á leiðbein­end­um og þjálf­ur­um úti á landi geri hand­bolt­an­um erfitt um vik. „HSÍ hef­ur lagt áherslu á að fara með vináttu­leik út á land til þess að kynna íþrótt­ina, en það vant­ar fólk til að fylgja slík­um heim­sókn­um eft­ir,“ seg­ir Ein­ar. Friðrik Ingi Rún­ars­son, fram­kvæmda­stjóri KKÍ, seg­ir að það sé ein­fald­ara fyr­ir börn og ung­linga að leika í körfu­bolta – miðað við þá sér­hæf­ingu sem þarf í hand­bolt­an­um.