Þetta var hreint magnað

„Þetta var hreint magnað og drama­tík­in var rosa­leg. Við vor­um tveim­ur mörk­um und­ir þegar fjór­ar mín­út­ur voru eft­ir en við gáf­umst ekki upp og tókst að leggja Drammen að velli,“ sagði Eyjamaður­inn Sig­urður Ari Stef­áns­son í sam­tali við Morg­un­blaðið eft­ir að lið hans, El­ver­um, varð norsk­ur bikar­meist­ari í hand­bolta í gær­kvöldi.

Lið El­ver­um bar sigur­orð af Drammen, 25:24, í æsispenn­andi úr­slita­leik sem háður var í Spektr­um-höll­inni í Osló að viðstödd­um 6.700 áhorf­end­um. Sig­urður skoraði eitt af mörk­um El­ver­um sem lengst af leikn­um var skrefi á eft­ir Drammen.

Staðan í leik­hléi var 12:11, Drammen í vil, og í seinni hálfleik náði Drammen mest fjög­urra marka for­skoti en Sig­urður og fé­lag­ar áttu góðan enda­sprett og tókst að knýja fram sig­ur með því að skora sig­ur­markið hálfri mín­útu fyr­ir leiks­lok og var Lars Nor­d­berg þar að verki.

Þetta er fyrsti bikar­meist­ara­tit­ill El­ver­um-liðsins og braust út gríðarleg­ur fögnuður hjá leik­mönn­um og stuðnings­mönn­um liðsins í leiks­lok. Í fyrra tapaði El­ver­um bikar­úr­slita­leikn­um gegn Run­ar. Sig­urður skoraði sjö mörk í þeim leik og Krist­inn Björg­úlfs­son skoraði fjög­ur fyr­ir Run­ar. 

„Það ætlaði allt um koll að keyra hjá okk­ur leik­mönn­um þegar úr­slit­in voru ráðin og stuðnings­menn okk­ar grétu marg­ir hverj­ir á pöll­un­um enda bún­ir að bíða lengi eft­ir bik­arn­um,“ sagði Sig­urður, sem varð deild­ar­meist­ari með El­ver­um fyr­ir tveim­ur árum.

„Það kom ekki til greina að tapa bikar­úr­slita­leikn­um annað árið í röð og núna finn­ur maður mun­inn. Það er ólíkt skemmti­legra núna. Þótt ég hafi ekki náð að skora nema eitt mark var ég mjög sátt­ur við minn leik. Ég átti góð skot sem markvörður­inn varði og fyrst skot­in rötuðu ekki rétta leið þá reyndi ég bara að spila fé­laga mína uppi og það gekk fínt,“ sagði Sig­urður Ari sem ætl­ar að verja ára­mót­un­um heima á Íslandi en hann er vænt­an­leg­ur til lands­ins í dag og verður ör­ugg­lega með gull­verðlaun­in um háls­inn.