Sleðabrautin sögð í lagi

Sleðakeppn­in á vetr­arólymp­íu­leik­un­um í Vancou­ver mun fara fram eft­ir áætl­un í dag, þrátt fyr­ir bana­slysið sem varð í braut­inni í gær. Rann­sókn leiddi í ljós að mis­tök Georgíu­manns­ins Nod­ars Kuma­rit­ashvil­is hefðu leitt til þessa hörmu­lega at­b­urðar.

Til ör­ygg­is hef­ur þó verið reist­ur vegg­ur við síðustu beygju braut­ar­inn­ar, þar sem Kuma­rit­ashvili fór út úr henni. Tvær æf­inga­ferðir verða farn­ar í dag en keppni í braut­inni hefst klukk­an eitt í nótt að ís­lensk­um tíma.

Í yf­ir­lýs­ingu á vef vetr­arólymp­íu­leik­anna seg­ir: „Eft­ir hefðbundið rennsli í braut­inni fór íþróttamaður­inn seint útúr beygju 15 og brást ekki rétt við til að fara á eðli­leg­an hátt inní beygju 16. Þó íþróttamaður­inn hefði reynt að leiðrétta þetta missti hann að lok­um stjórn á sleðanum með þess­um hörmu­legu af­leiðing­um. Tækni­menn náðu að rekja ná­kvæm­lega leið íþrótta­manns­ins og niðurstaða þeirra er sú að ekk­ert bendi til þess að slysið hafi átt sér stað vegna  galla í braut­inni."

CNN sagði frá því áðan að tveir kepp­end­ur hefðu meiðst í braut­inni við æf­ing­ar í vik­unni. Meiðsli þeirra væri ekki al­var­leg.

• 1 blogg um frétt­ina

Bloggað um frétt­ina

• Birg­ir Þór Braga­son: Ólymp­íu­hreyf­ing­in á flótta?