Fyrsti sigur Íslands á Búlgaríu í íshokkí

Ísland og Búlga­ría átt­ust við í 2. deild heims­meist­ara­móts karla í ís­hokkí í Spartova-höll­inni í Za­greb klukk­an 11 að ís­lensk­um tíma. Ísland sigraði 3:2 og var þetta fyrsti sig­ur Íslend­inga á Búl­gör­um í A-lands­leik í ís­hokkí. Fylgst var með gangi mála í beinni texta­lýs­ingu hér á mbl.is.

Mörk Íslands: Ólaf­ur Hrafn Björns­son, Eg­ill Þormóðsson 2.

Stoðsend­ing­ar: Úlfar Andrés­son, Pét­ur Maack, Birk­ir Árna­son, Emil Al­engård.

Maður leiks­ins hjá Íslandi: Emil Al­engård.

60. mín: Leik lokið með 3:2 sigri Íslands og þeim fyrsta í mót­inu.  Auk þess er þetta fyrsti sig­ur A-landsliðsins í ís­hokkí á Búlgaríu.

55. mín: Staðan er 3:2 fyr­ir Ísland. Búlgar­ar hafa nú fimm mín­út­ur til stefnu ef þeir ætla sér að ná ein­hverju út úr þess­um leik.  Íslend­ing­ar hafa sótt mun meira eft­ir að Búlgar­ar skoruðu annað markið og eru lík­legri til að bæta við fjórða mark­inu en Búlgar­ar að jafna. 

52. mín: Staðan er 3:2 fyr­ir Ísland. Búlgar­ar fengu brott­vís­un en Íslend­ing­um tókst ekki að nýta sér það. Emil átti hörku­skot en hitti ekki markið.

49. mín: Mark! Staðan er 3:2 fyr­ir Ísland. Daniel Aedel fékk brott­vís­un og Búlgar­ar voru ekki nema um 20 sek­únd­ur að nýta sér það. Denn­is varði ágæta skottilraun en Búlgar­ar fengu frá­kastið og skoruðu af stuttu færi. Nú verða Íslend­ing­ar að halda haus.

47. mín: Mark! Staðan er 3:1 fyr­ir Ísland. Búlgar­ar skoruðu upp úr engu. Löng send­ing fram völl­inn beint á sókn­ar­mann þeirra sem slapp al­einn inn fyr­ir vörn­ina, lék lag­lega á Denn­is í mark­inu og skoraði. Þessi sig­ur er ekki í höfn ennþá þó út­litið sé vissu­lega gott.

45. mín: Staðan er 3:0 fyr­ir Ísland. Ekki var nóg með að Ísland héldi hreinu manni færri held­ur var liðið hárs­breidd frá því að bæta við fjórða mark­inu. Ald­urs­for­set­inn Sig­urður Sveinn Sig­urðsson stal pökkn­um og lagði hann á Andra Mika­els­son sem skaut í stöng­ina á marki Búlgaríu. Skömmu síðar eft­ir að Ísland var komið með fullt lið að nýju náði liðið góðri sókn en markvörður Búlgara varði frá Robin Hed­ström úr dauðafæri.

43. mín: Staðan er 3:0 fyr­ir Ísland. Snorri Sig­ur­björns­son var að fá sína aðra brott­vís­un sína í leikn­um og við skul­um vona að Búl­gör­um tak­ist ekki að nýta sér það til að koma sér inn í leik­inn.

40. mín: Staðan er 3:0 fyr­ir Ísland að lokn­um öðrum leik­hluta. Búlgar­ar hljóta að vera fegn­ir að kom­ast inn í bún­ings­klefa því þessi leik­hluti var ekki gæfu­leg­ur fyr­ir þá. Gam­an var að sjá ís­lensku landsliðsmenn­ina hrista af sér slenið með stæl eft­ir að hafa verið hrein­lega slak­ir í fyrsta leik­hlut­an­um. Eft­ir­leik­ur­inn hlýt­ur að verða auðveld­ur því Búlgar­arn­ir eru frek­ar þung­ir og verða vænt­an­lega fyrr þreytt­ir en Íslend­ing­arn­ir. Olaf Ell­er er einnig skyn­sam­ur hvað það varðar að hann nýt­ir vel breidd­ina í ís­lenska hópn­um.

39. mín: Mark! Staðan er 3:0 fyr­ir Ísland. Búlgar­ar virðast hafa misst móðinn og Íslend­ing­ar eru að nota tæki­færið og ganga frá leikn­um. Eg­ill Þormóðsson skoraði með góðu skoti eft­ir stoðsend­ingu frá Emil Al­engård. Annað mark Eg­ils á þriggja mín­útna kafla.

36. mín: Mark! Staðan er 2:0 fyr­ir Ísland. Búlgar­ar misstu mann út af í kæl­ingu og Íslend­ing­ar létu kné fylgja kviði. Fljót­lega hamraði fyr­irliðinn Ingvar Þór Jóns­son pökk­inn í þverslána á marki Búlgara. Um mín­útu síðar lét Birk­ir Árna­son vaða á markið af löngu færi og Eg­ill Þormóðsson náði að taka pökk­inn á lofti og stýra hon­um í netið.  Markvörður Búlgara var brjálaður út í dóm­ar­ana og vildi meina að Eg­ill hefði farið of hátt með kylf­una en hlut­laus­ir sér­fræðing­ar í blaðamanna­stúk­unni frá Króa­tíu og Finn­landi eru ekki á sama máli.

27. mín Mark! Staðan er 1:0 fyr­ir Ísland. Ólaf­ur Hrafn Björns­son er bú­inn að brjóta ís­inn. Eft­ir und­ir­bún­ing Úlfars Andrés­son­ar komst Pét­ur Maack í skot­færi en markvörður­inn varði en Ólaf­ur fékk frá­kastið og skoraði ör­ugg­lega af stuttu færi. Á 25. mín­útu sluppu Íslend­ing­ar hins veg­ar vel þegar Búlgar­ar áttu stang­ar­skot eft­ir ágæta sókn.

24. mín: Staðan er 0:0. Ísland komst vel frá því að vera manni fleiri. Eft­ir að liðið var full­skipað að nýju þá komst Ísland skyndi­lega í væn­lega sókn þar sem Andri Mika­els­son lagði upp dauðafæri fyr­ir Ingólf Elías­son en hinn reyndi markvörður Búlgaríu varði vel.  

21. mín: Staðan er 0:0. Snorri Sig­ur­björns­son var að fá fyrstu brott­vís­un Íslands í leikn­um og nú þarf ís­lenska vörn­in að standa sig. 

20. mín: Staðan er 0:0 að lokn­um fyrsta leik­hluta. Búlgar­ar fengu stór­hættu­legt færi þegar nokkr­ar mín­út­ur voru eft­ir af leik­hlut­an­um. Daniel Aedel tapaði þá pökkn­um á miðsvæðinu og Búlgar­ar­ar komust í skyndu­sókn en Denn­is Hed­ström var vand­an­um vax­inn í mark­inu. Íslenska liðinu virðist ganga mun verr að skora held­ur en á HM í fyrra.  Þá skoraði liðið 16 mörk í leikj­un­um 5 en nú þegar mótið er tæp­lega hálfnað eru mörk­in aðeins orðin 2. Von­andi verða Búlgar­arn­ir þreytt­ir þegar á líður leik­inn og þá gætu opn­ast fleiri göt á vörn þeirra.

15. mín: Staðan er 0:0. Íslend­ing­ar fengu gott tæki­færi þegar þeir komust 3 á móti 2 í skynd­isókn. Eg­ill Þormóðsson fékk pökk­inn fyr­ir fram­an markið en Búlg­ur­un­um tókst að kom­ast fyr­ir skotið.  Leik­ur­inn er orðinn opn­ari og Búlgar­arn­ir hafa fært sig fram­ar á völl­inn.

10. mín: Staðan er 0:0. Aft­ur misstu Búlgar­ar mann út af en þurftu lítið að hafa fyr­ir því að halda marki sínu hreinu. Íslenska liðið er ekki sann­fær­andi í þess­um fyrsta leik­hluta og Búlgar­arn­ir eru klók­ir þó þeir séu hæg­ir og þung­ir. Úlfar Andrés­son átti hörku­skot á 10. mín­útu en það fór beint á markvörðinn.

7. mín: Staðan er 0:0. Búlgar­ar hafa fengið eina brott­vís­un en tókst að standa það af sér án telj­andi vand­ræða. Robin Hed­ström átti eina skottilraun en að öðru leyti var sókn­ar­leik­ur­inn hálf vand­ræðal­eg­ur þegar ís­lenska liðið var með fleiri menn á ísn­um. Skömmu áður átti Jón B. Gísla­son góða rispu og komst í ágætt færi en tókst ekki að nýta það.

3. mín: Staðan er 0:0. Nokk­ur lang­skot hafa verið reynd hjá leik­mönn­um beggja liða en ekk­ert hættu­legt færi enn sem komið er. Íslensku leik­menn­irn­ir eru ákaf­ir í upp­hafi leiks en hef­ur ekki tek­ist að ná al­menni­leg­um tök­um á aðgerðum sín­um.

Búlgarska liðið er tals­vert ólíkt ís­lenska liðinu. Meðal­ald­ur­inn í ís­lenska liðinu er ekki hár en Búlgar­arn­ir eru hins veg­ar tals­vert eldri og reynd­ari. Á móti kem­ur að þeir eru þyngri og ná ekki upp jafn mikl­um hraða í leik sín­um og ís­lenska liðið. Helsta stjarn­an Búlgara er markvörður liðsins en hann er 46 ára gam­all og í topp­formi. Hann varði hátt í hundrað skot í leikn­um á móti Króa­tíu en sá leik­ur fór nán­ast al­farið fram á vall­ar­helm­ingi Búlgaríu. Króa­tísk­ir áhorf­end­ur klöppuðu hon­um lof í lófa hvað eft­ir annað. Sá kappi hef­ur keppt rúm­lega tutt­ugu sinn­um á HM. 

Ísland hef­ur tapað báðum leikj­um sín­um til þessa gegn tveim­ur sterkuðu liðum riðils­ins, Króa­tíu 0:9 og Rúm­en­íu 2:4. Búlga­ría tapaði 2:17 fyr­ir Króa­tíu en sigraði Írland 6:0. Ísland hef­ur aldrei unnið lið Búlgaríu í ís­hokkí.